4👑☸AN 4 vaggas 21-28

AN 4 vagga 21. A Good Person 21. Sappurisavagga

	(derived from B. Sujato 2018/12)

Aṅguttara Nikāya 4	Numbered Discourses 4

201. Training Rules (⤴)


201. Sikkhāpadasutta	201. Training Rules
“Asappurisañca vo, bhikkhave, desessāmi, asappurisena asappurisatarañca;	“monks, I will teach you a bad person and a worse person,
sappurisañca, sappurisena sappurisatarañca.	a good person and a better person.
Taṃ suṇātha, sādhukaṃ manasi karotha, bhāsissāmī”ti.	Listen and pay close attention, I will speak.”
“Evaṃ, bhante”ti kho te bhikkhū bhagavato paccassosuṃ.	“Yes, sir,” they replied.
Bhagavā etadavoca:	The Buddha said this:


“Katamo ca, bhikkhave, asappuriso?	“And what is a bad person?
Idha, bhikkhave, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, surāmerayamajjapamādaṭṭhāyī hoti.	It’s someone who kills living creatures, steals, commits sexual misconduct, lies, and uses alcoholic drinks that cause negligence.
Ayaṃ vuccati, bhikkhave, asappuriso.	This is called a bad person.


Katamo ca, bhikkhave, asappurisena asappurisataro?	And what is a worse person?
Idha, bhikkhave, ekacco attanā ca pāṇātipātī hoti, parañca pāṇātipāte samādapeti;	It’s someone who kills living creatures, steals, commits sexual misconduct, lies, and uses alcoholic drinks that cause negligence. And they encourage others to do these things.
attanā ca adinnādāyī hoti, parañca adinnādāne samādapeti;
attanā ca kāmesumicchācārī hoti, parañca kāmesumicchācāre samādapeti;
attanā ca musāvādī hoti, parañca musāvāde samādapeti;
attanā ca surāmerayamajjapamādaṭṭhāyī hoti, parañca surāmerayamajjapamādaṭṭhāne samādapeti.
Ayaṃ vuccati, bhikkhave, asappurisena asappurisataro.	This is called a worse person.


Katamo ca, bhikkhave, sappuriso?	And what is a good person?
Idha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti.	It’s someone who doesn’t kill living creatures, steal, commit sexual misconduct, lie, or use alcoholic drinks that cause negligence.
Ayaṃ vuccati, bhikkhave, sappuriso.	This is called a good person.


Katamo ca, bhikkhave, sappurisena sappurisataro?	And what is a better person?
Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti;	It’s someone who doesn’t kill living creatures, steal, commit sexual misconduct, lie, or use alcoholic drinks that cause negligence. And they encourage others to avoid these things.
attanā ca adinnādānā paṭivirato hoti, parañca adinnādānā veramaṇiyā samādapeti;
attanā ca kāmesumicchācārā paṭivirato hoti, parañca kāmesumicchācārā veramaṇiyā samādapeti;
attanā ca musāvādā paṭivirato hoti, parañca musāvādā veramaṇiyā samādapeti;
attanā ca surāmerayamajjapamādaṭṭhānā paṭivirato hoti, parañca surāmerayamajjapamādaṭṭhānā veramaṇiyā samādapeti.
Ayaṃ vuccati, bhikkhave, sappurisena sappurisataro”ti.	This is called a better person.”

202. Faithless (⤴)


202. Assaddhasutta	202. Faithless
“Asappurisañca vo, bhikkhave, desessāmi, asappurisena asappurisatarañca;	“monks, I will teach you a bad person and a worse person,
sappurisañca, sappurisena sappurisatarañca. Taṃ suṇātha … pe ….	a good person and a better person.


“Katamo ca, bhikkhave, asappuriso?	And what is a bad person?
Idha, bhikkhave, ekacco assaddho hoti, ahiriko hoti, anottappī hoti, appassuto hoti, kusīto hoti, muṭṭhassati hoti, duppañño hoti.	It’s someone who is faithless, shameless, imprudent, with little learning, lazy, unrememberful, and witless.
Ayaṃ vuccati, bhikkhave, asappuriso.	This is called a bad person.


Katamo ca, bhikkhave, asappurisena asappurisataro?	And what is a worse person?
Idha, bhikkhave, ekacco attanā ca assaddho hoti, parañca assaddhiye samādapeti;	It’s someone who is faithless, shameless, imprudent, with little learning, lazy, confused, and witless. And they encourage others in these same qualities.
attanā ca ahiriko hoti, parañca ahirikatāya samādapeti;
attanā ca anottappī hoti, parañca anottappe samādapeti;
attanā ca appassuto hoti, parañca appassute samādapeti;
attanā ca kusīto hoti, parañca kosajje samādapeti;
attanā ca muṭṭhassati hoti, parañca muṭṭhassacce samādapeti;
attanā ca duppañño hoti, parañca duppaññatāya samādapeti.
Ayaṃ vuccati, bhikkhave, asappurisena asappurisataro.	This is called a worse person.


Katamo ca, bhikkhave, sappuriso?	And what is a good person?
Idha, bhikkhave, ekacco saddho hoti, hirimā hoti, ottappī hoti, bahussuto hoti, āraddhavīriyo hoti, satimā hoti, paññavā hoti.	It’s someone who is faithful, conscientious, prudent, learned, energetic, rememberful, and wise.
Ayaṃ vuccati, bhikkhave, sappuriso.	This is called a good person.


Katamo ca, bhikkhave, sappurisena sappurisataro?	And what is a better person?
Idha, bhikkhave, ekacco attanā ca saddhāsampanno hoti, parañca saddhāsampadāya samādapeti;	It’s someone who is personally accomplished in faith, conscience, prudence, learning, energy, rememberfulness, and wisdom. And they encourage others in these same qualities.
attanā ca hirimā hoti, parañca hirimatāya samādapeti;
attanā ca ottappī hoti, parañca ottappe samādapeti;
attanā ca bahussuto hoti, parañca bāhusacce samādapeti;
attanā ca āraddhavīriyo hoti, parañca vīriyārambhe samādapeti;
attanā ca upaṭṭhitassati hoti, parañca satiupaṭṭhāne samādapeti;
attanā ca paññāsampanno hoti, parañca paññāsampadāya samādapeti.
Ayaṃ vuccati, bhikkhave, sappurisena sappurisataro”ti.	This is called a better person.”

203. Seven Kinds of Deeds (⤴)


203. Sattakammasutta	203. Seven Kinds of Deeds
“Asappurisañca vo, bhikkhave, desessāmi, asappurisena asappurisatarañca;	“monks, I will teach you a bad person and a worse person,
sappurisañca, sappurisena sappurisatarañca. Taṃ suṇātha … pe ….	a good person and a better person.


“Katamo ca, bhikkhave, asappuriso?	And what is a bad person?
Idha, bhikkhave, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti.	It’s someone who kills living creatures, steals, commits sexual misconduct, and uses speech that’s false, divisive, harsh, or nonsensical.
Ayaṃ vuccati, bhikkhave, asappuriso.	This is called a bad person.


Katamo ca, bhikkhave, asappurisena asappurisataro?	And what is a worse person?
Idha, bhikkhave, ekacco attanā ca pāṇātipātī hoti, parañca pāṇātipāte samādapeti;	It’s someone who kills living creatures, steals, commits sexual misconduct, and uses speech that’s false, divisive, harsh, or nonsensical. And they encourage others to do these things.
attanā ca adinnādāyī hoti, parañca adinnādāne samādapeti;
attanā ca kāmesumicchācārī hoti, parañca kāmesumicchācāre samādapeti;
attanā ca musāvādī hoti, parañca musāvāde samādapeti;
attanā ca pisuṇavāco hoti, parañca pisuṇāya vācāya samādapeti;
attanā ca pharusavāco hoti, parañca pharusāya vācāya samādapeti;
attanā ca samphappalāpī hoti, parañca samphappalāpe samādapeti.
Ayaṃ vuccati, bhikkhave, asappurisena asappurisataro.	This is called a worse person.


Katamo ca, bhikkhave, sappuriso?	And what is a good person?
Idha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato, hoti, samphappalāpā paṭivirato hoti.	It’s someone who doesn’t kill living creatures, steal, commit sexual misconduct, or use speech that’s false, divisive, harsh, or nonsensical.
Ayaṃ vuccati, bhikkhave, sappuriso.	This is called a good person.


Katamo ca, bhikkhave, sappurisena sappurisataro?	And what is a better person?
Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti;	It’s someone who doesn’t kill living creatures, steal, commit sexual misconduct, or use speech that’s false, divisive, harsh, or nonsensical. And they encourage others to avoid these things.
attanā ca adinnādānā paṭivirato hoti, parañca adinnādānā veramaṇiyā samādapeti;
attanā ca kāmesumicchācārā paṭivirato hoti, parañca kāmesumicchācārā veramaṇiyā samādapeti;
attanā ca musāvādā paṭivirato hoti, parañca musāvādā veramaṇiyā samādapeti;
attanā ca pisuṇāya vācāya paṭivirato hoti, parañca pisuṇāya vācāya veramaṇiyā samādapeti;
attanā ca pharusāya vācāya paṭivirato hoti, parañca pharusāya vācāya veramaṇiyā samādapeti;
attanā ca samphappalāpā paṭivirato hoti, parañca samphappalāpā veramaṇiyā samādapeti.
Ayaṃ vuccati, bhikkhave, sappurisena sappurisataro”ti.	This is called a better person.”

204. Ten Kinds of Deeds (⤴)


204. Dasakammasutta	204. Ten Kinds of Deeds
“Asappurisañca vo, bhikkhave, desessāmi, asappurisena asappurisatarañca;	“monks, I will teach you a bad person and a worse person,
sappurisañca, sappurisena sappurisatarañca. Taṃ suṇātha … pe ….	a good person and a better person.


“Katamo ca, bhikkhave, asappuriso?	And what is a bad person?
Idha, bhikkhave, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti, abhijjhālu hoti, byāpannacitto hoti, micchādiṭṭhiko hoti.	It’s someone who kills living creatures, steals, and commits sexual misconduct. They use speech that’s false, divisive, harsh, or nonsensical. And they’re covetous, malicious, with wrong view.
Ayaṃ vuccati, bhikkhave, asappuriso.	This is called a bad person.


Katamo ca, bhikkhave, asappurisena asappurisataro?	And what is a worse person?
Idha, bhikkhave, ekacco attanā ca pāṇātipātī hoti, parañca pāṇātipāte samādapeti … pe … attanā ca abhijjhālu hoti, parañca abhijjhāya samādapeti;	It’s someone who kills living creatures, steals, and commits sexual misconduct. They use speech that’s false, divisive, harsh, or nonsensical. They’re covetous, malicious, with wrong view. And they encourage others to do these things.
attanā ca byāpannacitto hoti, parañca byāpāde samādapeti, attanā ca micchādiṭṭhiko hoti, parañca micchādiṭṭhiyā samādapeti.
Ayaṃ vuccati, bhikkhave, asappurisena asappurisataro.	This is called a worse person.


Katamo ca, bhikkhave, sappuriso?	And what is a good person?
Idha, bhikkhave, ekacco pāṇātipātā paṭivirato hoti … pe … anabhijjhālu hoti, abyāpannacitto hoti, sammādiṭṭhiko hoti.	It’s someone who doesn’t kill living creatures, steal, or commit sexual misconduct. They don’t use speech that’s false, divisive, harsh, or nonsensical. And they’re contented, kind-hearted, with right view.
Ayaṃ vuccati, bhikkhave, sappuriso.	This is called a good person.


Katamo ca, bhikkhave, sappurisena sappurisataro?	And what is a better person?
Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti … pe … attanā ca anabhijjhālu hoti, parañca anabhijjhāya samādapeti;	It’s someone who doesn’t kill living creatures, steal, or commit sexual misconduct. They don’t use speech that’s false, divisive, harsh, or nonsensical. They’re contented, kind-hearted, with right view. And they encourage others to do these things.
attanā ca abyāpannacitto hoti, parañca abyāpāde samādapeti;
attanā ca sammādiṭṭhiko hoti, parañca sammādiṭṭhiyā samādapeti.
Ayaṃ vuccati, bhikkhave, sappurisena sappurisataro”ti.	This is called a better person.”

205. Eightfold (⤴)


205. Aṭṭhaṅgikasutta	205. Eightfold
“Asappurisañca vo, bhikkhave, desessāmi, asappurisena asappurisatarañca;	“monks, I will teach you a bad person and a worse person,
sappurisañca, sappurisena sappurisatarañca. Taṃ suṇātha … pe ….	a good person and a better person.


“Katamo ca, bhikkhave, asappuriso?	And what is a bad person?
Idha, bhikkhave, ekacco micchādiṭṭhiko hoti, micchāsaṅkappo hoti, micchāvāco hoti, micchākammanto hoti, micchāājīvo hoti, micchāvāyāmo hoti, micchāsati hoti, micchāsamādhi hoti.	It’s someone who has wrong view, wrong thought, wrong speech, wrong action, wrong livelihood, wrong effort, wrong rememberfulness, and wrong undistractible-lucidity.
Ayaṃ vuccati, bhikkhave, asappuriso.	This is called a bad person.


Katamo ca, bhikkhave, asappurisena asappurisataro?	And what is a worse person?
Idha bhikkhave, ekacco attanā ca micchādiṭṭhiko hoti, parañca micchādiṭṭhiyā samādapeti;	It’s someone who has wrong view, wrong thought, wrong speech, wrong action, wrong livelihood, wrong effort, wrong rememberfulness, and wrong undistractible-lucidity. And they encourage others in these same qualities.
attanā ca micchāsaṅkappo hoti, parañca micchāsaṅkappe samādapeti;
attanā ca micchāvāco hoti, parañca micchāvācāya samādapeti;
attanā ca micchākammanto hoti, parañca micchākammante samādapeti;
attanā ca micchāājīvo hoti, parañca micchāājīve samādapeti;
attanā ca micchāvāyāmo hoti, parañca micchāvāyāme samādapeti;
attanā ca micchāsati hoti, parañca micchāsatiyā samādapeti;
attanā ca micchāsamādhi hoti, parañca micchāsamādhimhi samādapeti.
Ayaṃ vuccati, bhikkhave, asappurisena asappurisataro.	This is called a worse person.


Katamo ca, bhikkhave, sappuriso?	And what is a good person?
Idha, bhikkhave, ekacco sammādiṭṭhiko hoti, sammāsaṅkappo hoti, sammāvāco hoti, sammākammanto hoti, sammāājīvo hoti, sammāvāyāmo hoti, sammāsati hoti, sammāsamādhi hoti.	It’s someone who has right view, right thought, right speech, right action, right livelihood, right effort, right rememberfulness, and right undistractible-lucidity.
Ayaṃ vuccati, bhikkhave, sappuriso.	This is called a good person.


Katamo ca, bhikkhave, sappurisena sappurisataro?	And what is a better person?
Idha, bhikkhave, ekacco attanā ca sammādiṭṭhiko hoti, parañca sammādiṭṭhiyā samādapeti;	It’s someone who has right view, right thought, right speech, right action, right livelihood, right effort, right rememberfulness, and right undistractible-lucidity. And they encourage others in these same qualities.
attanā ca sammāsaṅkappo hoti, parañca sammāsaṅkappe samādapeti;
attanā ca sammāvāco hoti, parañca sammāvācāya samādapeti;
attanā ca sammākammanto hoti, parañca sammākammante samādapeti;
attanā ca sammāājīvo hoti, parañca sammāājīve samādapeti;
attanā ca sammāvāyāmo hoti, parañca sammāvāyāme samādapeti;
attanā ca sammāsati hoti, parañca sammāsatiyā samādapeti;
attanā ca sammāsamādhi hoti, parañca sammāsamādhimhi samādapeti.
Ayaṃ vuccati, bhikkhave, sappurisena sappurisataro”ti.	This is called a better person.”

206. The Path with Ten Factors (⤴)


206. Dasamaggasutta	206. The Path with Ten Factors
“Asappurisañca vo, bhikkhave, desessāmi, asappurisena asappurisatarañca;	“monks, I will teach you a bad person and a worse person,
sappurisañca, sappurisena sappurisatarañca. Taṃ suṇātha … pe ….	a good person and a better person.


“Katamo ca, bhikkhave, asappuriso?	And what is a bad person?
Idha, bhikkhave, ekacco micchādiṭṭhiko hoti … pe … micchāñāṇī hoti, micchāvimutti hoti.	It’s someone who has wrong view, wrong thought, wrong speech, wrong action, wrong livelihood, wrong effort, wrong rememberfulness, wrong undistractible-lucidity, wrong knowledge, and wrong freedom.
Ayaṃ vuccati, bhikkhave, asappuriso.	This is called a bad person.


Katamo ca, bhikkhave, asappurisena asappurisataro?	And what is a worse person?
Idha, bhikkhave, ekacco attanā ca micchādiṭṭhiko hoti, parañca micchādiṭṭhiyā samādapeti … pe … attanā ca micchāñāṇī hoti, parañca micchāñāṇe samādapeti;	It’s someone who has wrong view, wrong thought, wrong speech, wrong action, wrong livelihood, wrong effort, wrong rememberfulness, wrong undistractible-lucidity, wrong knowledge, and wrong freedom. And they encourage others in these same qualities.
attanā ca micchāvimutti hoti, parañca micchāvimuttiyā samādapeti.
Ayaṃ vuccati, bhikkhave, asappurisena asappurisataro.	This is called a worse person.


Katamo ca, bhikkhave, sappuriso?	And what is a good person?
Idha, bhikkhave, ekacco sammādiṭṭhiko hoti … pe … sammāñāṇī hoti, sammāvimutti hoti.	It’s someone who has right view, right thought, right speech, right action, right livelihood, right effort, right rememberfulness, right undistractible-lucidity, right knowledge, and right freedom.
Ayaṃ vuccati, bhikkhave, sappuriso.	This is called a good person.


Katamo ca, bhikkhave, sappurisena sappurisataro?	And what is a better person?
Idha, bhikkhave, ekacco attanā ca sammādiṭṭhiko hoti, parañca sammādiṭṭhiyā samādapeti … pe … attanā ca sammāñāṇī hoti, parañca sammāñāṇe samādapeti;	It’s someone who has right view, right thought, right speech, right action, right livelihood, right effort, right rememberfulness, right undistractible-lucidity, right knowledge, and right freedom. And they encourage others in these same qualities.
attanā ca sammāvimutti hoti, parañca sammāvimuttiyā samādapeti.
Ayaṃ vuccati, bhikkhave, sappurisena sappurisataro”ti.	This is called a better person.”

207. Bad Character (1st) (⤴)


207. Paṭhamapāpadhammasutta	207. Bad Character (1st)
“Pāpañca vo, bhikkhave, desessāmi, pāpena pāpatarañca;	“monks, I will teach you who’s bad and who’s worse,
kalyāṇañca, kalyāṇena kalyāṇatarañca. Taṃ suṇātha … pe ….	who’s good and who’s better.


Katamo ca, bhikkhave, pāpo?	And who’s bad?
Idha, bhikkhave, ekacco pāṇātipātī hoti … pe … micchādiṭṭhiko hoti.	It’s someone who kills living creatures, steals, and commits sexual misconduct. They use speech that’s false, divisive, harsh, or nonsensical. And they’re covetous, malicious, with wrong view.
Ayaṃ vuccati, bhikkhave, pāpo.	This is called bad.


Katamo ca, bhikkhave, pāpena pāpataro?	And who’s worse?
Idha, bhikkhave, ekacco attanā ca pāṇātipātī hoti, parañca pāṇātipāte samādapeti … pe … attanā ca micchādiṭṭhiko hoti, parañca micchādiṭṭhiyā samādapeti.	It’s someone who kills living creatures, steals, and commits sexual misconduct. They use speech that’s false, divisive, harsh, or nonsensical. They’re covetous, malicious, with wrong view. And they encourage others to do these things.
Ayaṃ vuccati, bhikkhave, pāpena pāpataro.	This is called worse.


Katamo ca, bhikkhave, kalyāṇo?	And who’s good?
Idha, bhikkhave, ekacco pāṇātipātā paṭivirato hoti … pe … sammādiṭṭhiko hoti.	It’s someone who doesn’t kill living creatures, steal, or commit sexual misconduct. They don’t use speech that’s false, divisive, harsh, or nonsensical. And they’re contented, kind-hearted, with right view.
Ayaṃ vuccati, bhikkhave, kalyāṇo.	This is called good.


“Katamo ca, bhikkhave, kalyāṇena kalyāṇataro?	And who’s better?
Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti … pe … attanā ca sammādiṭṭhiko hoti, parañca sammādiṭṭhiyā samādapeti.	It’s someone who doesn’t kill living creatures, steal, or commit sexual misconduct. They don’t use speech that’s false, divisive, harsh, or nonsensical. They’re contented, kind-hearted, with right view. And they encourage others to do these things.
Ayaṃ vuccati, bhikkhave, kalyāṇena kalyāṇataro”ti.	This is called better.”

208. Bad Character (2nd) (⤴)


208. Dutiyapāpadhammasutta	208. Bad Character (2nd)
“Pāpañca vo, bhikkhave, desessāmi, pāpena pāpatarañca;	“monks, I will teach you who’s bad and who’s worse,
kalyāṇañca, kalyāṇena kalyāṇatarañca.	who’s good and who’s better.
Taṃ suṇātha … pe …


“Katamo ca, bhikkhave, pāpo?	And who’s bad?
Idha, bhikkhave, ekacco micchādiṭṭhiko hoti … pe … micchāñāṇī hoti, micchāvimutti hoti.	It’s someone who has wrong view, wrong thought, wrong speech, wrong action, wrong livelihood, wrong effort, wrong rememberfulness, wrong undistractible-lucidity, wrong knowledge, and wrong freedom.
Ayaṃ vuccati, bhikkhave, pāpo.	This is called bad.


Katamo ca, bhikkhave, pāpena pāpataro?	And who’s worse?
Idha, bhikkhave, ekacco attanā ca micchādiṭṭhiko hoti, parañca micchādiṭṭhiyā samādapeti … pe … attanā ca micchāñāṇī hoti, parañca micchāñāṇe samādapeti;	It’s someone who has wrong view, wrong thought, wrong speech, wrong action, wrong livelihood, wrong effort, wrong rememberfulness, wrong undistractible-lucidity, wrong knowledge, and wrong freedom. And they encourage others in these same qualities.
attanā ca micchāvimutti hoti, parañca micchāvimuttiyā samādapeti.
Ayaṃ vuccati, bhikkhave, pāpena pāpataro.	This is called worse.


Katamo ca, bhikkhave, kalyāṇo?	And who’s good?
Idha, bhikkhave, ekacco sammādiṭṭhiko hoti … pe … sammāñāṇī hoti, sammāvimutti hoti.	It’s someone who has right view, right thought, right speech, right action, right livelihood, right effort, right rememberfulness, right undistractible-lucidity, right knowledge, and right freedom.
Ayaṃ vuccati, bhikkhave, kalyāṇo.	This is called good.


Katamo ca, bhikkhave, kalyāṇena kalyāṇataro?	And who’s better?
Idha, bhikkhave, ekacco attanā ca sammādiṭṭhiko hoti, parañca sammādiṭṭhiyā samādapeti … pe … attanā ca sammāñāṇī hoti, parañca sammāñāṇe samādapeti;	It’s someone who has right view, right thought, right speech, right action, right livelihood, right effort, right rememberfulness, right undistractible-lucidity, right knowledge, and right freedom. And they encourage others in these same qualities.
attanā ca sammāvimutti hoti, parañca sammāvimuttiyā samādapeti.
Ayaṃ vuccati, bhikkhave, kalyāṇena kalyāṇataro”ti.	This is called better.”

209. Bad Character (3rd) (⤴)


209. Tatiyapāpadhammasutta	209. Bad Character (3rd)
“Pāpadhammañca vo, bhikkhave, desessāmi, pāpadhammena pāpadhammatarañca;	“monks, I will teach you bad character and worse character,
kalyāṇadhammañca, kalyāṇadhammena kalyāṇadhammatarañca. Taṃ suṇātha … pe ….	good character and better character.


“Katamo ca, bhikkhave, pāpadhammo?	And who has bad character?
Idha, bhikkhave, ekacco pāṇātipātī hoti … pe … micchādiṭṭhiko hoti.	It’s someone who kills living creatures, steals, and commits sexual misconduct. They use speech that’s false, divisive, harsh, or nonsensical. And they’re covetous, malicious, with wrong view.
Ayaṃ vuccati, bhikkhave, pāpadhammo.	This is called bad character.


Katamo ca, bhikkhave, pāpadhammena pāpadhammataro?	And who has worse character?
Idha bhikkhave, ekacco attanā ca pāṇātipātī hoti, parañca pāṇātipāte samādapeti … pe … attanā ca micchādiṭṭhiko hoti, parañca micchādiṭṭhiyā samādapeti.	It’s someone who kills living creatures, steals, and commits sexual misconduct. They use speech that’s false, divisive, harsh, or nonsensical. They’re covetous, malicious, with wrong view. And they encourage others to do these things.
Ayaṃ vuccati, bhikkhave, pāpadhammena pāpadhammataro.	This is called worse character.


Katamo ca, bhikkhave, kalyāṇadhammo?	And who has good character?
Idha, bhikkhave, ekacco pāṇātipātā paṭivirato hoti … pe … sammādiṭṭhiko hoti.	It’s someone who doesn’t kill living creatures, steal, or commit sexual misconduct. They don’t use speech that’s false, divisive, harsh, or nonsensical. And they’re contented, kind-hearted, with right view.
Ayaṃ vuccati, bhikkhave, kalyāṇadhammo.	This is called good character.


Katamo ca, bhikkhave, kalyāṇadhammena kalyāṇadhammataro?	And who has better character?
Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti … pe … attanā ca sammādiṭṭhiko hoti, parañca sammādiṭṭhiyā samādapeti.	It’s someone who doesn’t kill living creatures, steal, or commit sexual misconduct. They don’t use speech that’s false, divisive, harsh, or nonsensical. They’re contented, kind-hearted, with right view. And they encourage others to do these things.
Ayaṃ vuccati, bhikkhave, kalyāṇadhammena kalyāṇadhammataro”ti.	This is called better character.”

210. Bad Character (4th) (⤴)


210. Catutthapāpadhammasutta	210. Bad Character (4th)
“Pāpadhammañca vo, bhikkhave, desessāmi, pāpadhammena pāpadhammatarañca;	“monks, I will teach you bad character and worse character,
kalyāṇadhammañca, kalyāṇadhammena kalyāṇadhammatarañca. Taṃ suṇātha … pe ….	good character and better character.


“Katamo ca, bhikkhave, pāpadhammo?	And who has bad character?
Idha, bhikkhave, ekacco micchādiṭṭhiko hoti … pe … micchāñāṇī hoti, micchāvimutti hoti.	It’s someone who has wrong view, wrong thought, wrong speech, wrong action, wrong livelihood, wrong effort, wrong rememberfulness, wrong undistractible-lucidity, wrong knowledge, and wrong freedom.
Ayaṃ vuccati, bhikkhave, pāpadhammo.	This is called bad character.


Katamo ca, bhikkhave, pāpadhammena pāpadhammataro?	And who has worse character?
Idha, bhikkhave, ekacco attanā ca micchādiṭṭhiko hoti, parañca micchādiṭṭhiyā samādapeti … pe … attanā ca micchāñāṇī hoti, parañca micchāñāṇe samādapeti;	It’s someone who has wrong view, wrong thought, wrong speech, wrong action, wrong livelihood, wrong effort, wrong rememberfulness, wrong undistractible-lucidity, wrong knowledge, and wrong freedom. And they encourage others in these same qualities.
attanā ca micchāvimutti hoti, parañca micchāvimuttiyā samādapeti.
Ayaṃ vuccati, bhikkhave, pāpadhammena pāpadhammataro.	This is called worse character.


Katamo ca, bhikkhave, kalyāṇadhammo?	And who has good character?
Idha, bhikkhave, ekacco sammādiṭṭhiko hoti … pe … sammāñāṇī hoti, sammāvimutti hoti.	It’s someone who has right view, right thought, right speech, right action, right livelihood, right effort, right rememberfulness, right undistractible-lucidity, right knowledge, and right freedom.
Ayaṃ vuccati, bhikkhave, kalyāṇadhammo.	This is called good character.


Katamo ca, bhikkhave, kalyāṇadhammena kalyāṇadhammataro?	And who has better character?
Idha, bhikkhave, ekacco attanā ca sammādiṭṭhiko hoti, parañca sammādiṭṭhiyā samādapeti … pe … attanā ca sammāñāṇī hoti, parañca sammāñāṇe samādapeti;	It’s someone who has right view, right thought, right speech, right action, right livelihood, right effort, right rememberfulness, right undistractible-lucidity, right knowledge, and right freedom. And they encourage others in these same qualities.
attanā ca sammāvimutti hoti, parañca sammāvimuttiyā samādapeti.
Ayaṃ vuccati, bhikkhave, kalyāṇadhammena kalyāṇadhammataro”ti.	This is called better character.”

AN 4 vagga 22. Assembly 22. Parisāvagga

211. Assembly (⤴)


211. Parisāsutta	211. Assembly
“Cattārome, bhikkhave, parisadūsanā.	“monks, these four corrupt an assembly.
Katame cattāro?	What four?
Bhikkhu, bhikkhave, dussīlo pāpadhammo parisadūsano;	A monk, nun, layman, or laywoman who is unethical, of bad character.
bhikkhunī, bhikkhave, dussīlā pāpadhammā parisadūsanā;
upāsako, bhikkhave, dussīlo pāpadhammo parisadūsano;
upāsikā, bhikkhave, dussīlā pāpadhammā parisadūsanā.
Ime kho, bhikkhave, cattāro parisadūsanā.	These are the four that corrupt an assembly.


Cattārome, bhikkhave, parisasobhanā.	monks, these four beautify an assembly.
Katame cattāro?	What four?
Bhikkhu, bhikkhave, sīlavā kalyāṇadhammo parisasobhano;	A monk, nun, layman, or laywoman who is ethical, of good character.
bhikkhunī, bhikkhave, sīlavatī kalyāṇadhammā parisasobhanā;
upāsako, bhikkhave, sīlavā kalyāṇadhammo parisasobhano;
upāsikā, bhikkhave, sīlavatī kalyāṇadhammā parisasobhanā.
Ime kho, bhikkhave, cattāro parisasobhanā”ti.	These are the four that beautify an assembly.”

212. View (⤴)


212. Diṭṭhisutta	212. View
“Catūhi, bhikkhave, dhammehi samannāgato yathābhataṃ nikkhitto evaṃ niraye.	“monks, someone with four qualities is cast down to hell.
Katamehi catūhi?	What four?
Kāyaduccaritena, vacīduccaritena, manoduccaritena, micchādiṭṭhiyā—	Bad conduct by way of body, speech, and mind, and wrong view.
imehi kho, bhikkhave, catūhi dhammehi samannāgato yathābhataṃ nikkhitto evaṃ niraye.	Someone with these four qualities is cast down to hell.


Catūhi, bhikkhave, dhammehi samannāgato yathābhataṃ nikkhitto evaṃ sagge.	Someone with four qualities is raised up to heaven.
Katamehi catūhi?	What four?
Kāyasucaritena, vacīsucaritena, manosucaritena, sammādiṭṭhiyā—	Good conduct by way of body, speech, and mind, and right view.
imehi kho, bhikkhave, catūhi dhammehi samannāgato yathābhataṃ nikkhitto evaṃ sagge”ti.	Someone with these four qualities is raised up to heaven.”

213. Ungrateful (⤴)


213. Akataññutāsutta	213. Ungrateful
“Catūhi, bhikkhave, dhammehi samannāgato yathābhataṃ nikkhitto evaṃ niraye.	“monks, someone with four qualities is cast down to hell.
Katamehi catūhi?	What four?
Kāyaduccaritena, vacīduccaritena, manoduccaritena, akataññutā akataveditā—	Bad conduct by way of body, speech, and mind, and being ungrateful and thankless.
imehi kho, bhikkhave, catūhi dhammehi samannāgato yathābhataṃ nikkhitto evaṃ niraye.	Someone with these four qualities is cast down to hell.


Catūhi, bhikkhave, dhammehi samannāgato yathābhataṃ nikkhitto evaṃ sagge.	Someone with four qualities is raised up to heaven.
Katamehi catūhi?	What four?
Kāyasucaritena, vacīsucaritena, manosucaritena, kataññutā kataveditā—	Good conduct by way of body, speech, and mind, and being grateful and thankful.
imehi kho, bhikkhave, catūhi dhammehi samannāgato yathābhataṃ nikkhitto evaṃ sagge”ti.	Someone with these four qualities is raised up to heaven.”

214. Killing Living Creatures (⤴)


214. Pāṇātipātīsutta	214. Killing Living Creatures
… pe … Pāṇātipātī hoti, adinnādāyī hoti, kāmesumicchācārī hoti, musāvādī hoti … pe … pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti.	“Someone with four qualities is cast down to hell. … They kill living creatures, steal, commit sexual misconduct, and lie. … Someone with four qualities is raised up to heaven. … They don’t kill living creatures, steal, commit sexual misconduct, or lie. …”

215. Path (1st) (⤴)


215. Paṭhamamaggasutta	215. Path (1st)
… pe … Micchādiṭṭhiko hoti, micchāsaṅkappo hoti, micchāvāco hoti, micchākammanto hoti … pe … sammādiṭṭhiko hoti, sammāsaṅkappo hoti, sammāvāco hoti, sammākammanto hoti.	“Someone with four qualities is cast down to hell. … wrong view, wrong thought, wrong speech, wrong action. … Someone with four qualities is raised up to heaven. … right view, right thought, right speech, right action. …”

216. Path (2nd) (⤴)


216. Dutiyamaggasutta	216. Path (2nd)
… pe … Micchāājīvo hoti, micchāvāyāmo hoti, micchāsati hoti, micchāsamādhi hoti … pe … sammāājīvo hoti, sammāvāyāmo hoti, sammāsati hoti, sammāsamādhi hoti.	“Someone with four qualities is cast down to hell. … wrong livelihood, wrong effort, wrong rememberfulness, and wrong undistractible-lucidity. Someone with four qualities is raised up to heaven. … right livelihood, right effort, right rememberfulness, and right undistractible-lucidity. …”

217. Kinds of Expression (1st) (⤴)


217. Paṭhamavohārapathasutta	217. Kinds of Expression (1st)
… pe … Adiṭṭhe diṭṭhavādī hoti, asute sutavādī hoti, amute mutavādī hoti, aviññāte viññātavādī hoti … pe … adiṭṭhe adiṭṭhavādī hoti, asute asutavādī hoti, amute amutavādī hoti, aviññāte aviññātavādī hoti.	“Someone with four qualities is cast down to hell. … They say they’ve seen, heard, thought, or cognized something, but they haven’t. … Someone with four qualities is raised up to heaven. … They say they haven’t seen, heard, thought, or cognized something, and they haven’t. …”

218. Kinds of Expression (2nd) (⤴)


218. Dutiyavohārapathasutta	218. Kinds of Expression (2nd)
… pe … Diṭṭhe adiṭṭhavādī hoti, sute asutavādī hoti, mute amutavādī hoti, viññāte aviññātavādī hoti … pe … diṭṭhe diṭṭhavādī hoti, sute sutavādī hoti, mute mutavādī hoti, viññāte viññātavādī hoti.	“Someone with four qualities is cast down to hell. … They say they haven’t seen, heard, thought, or cognized something, but they have. … Someone with four qualities is raised up to heaven. … They say they’ve seen, heard, thought, or cognized something, and they have. …”

219. Imprudence (⤴)


219. Ahirikasutta	219. Imprudence
… pe … Assaddho hoti, dussīlo hoti, ahiriko hoti, anottappī hoti … pe … saddho hoti, sīlavā hoti, hirimā hoti, ottappī hoti.	“Someone with four qualities is cast down to hell. … They’re faithless, unethical, shameless, and imprudent. … Someone with four qualities is raised up to heaven. … They’re faithful, ethical, conscientious, and prudent. …”

220. Unethical (⤴)


220. Dussīlasutta	220. Unethical
“Catūhi, bhikkhave, dhammehi samannāgato yathābhataṃ nikkhitto evaṃ niraye.	“monks, someone with four qualities is cast down to hell.
Katamehi catūhi?	What four?
Assaddho hoti, dussīlo hoti, kusīto hoti, duppañño hoti—	They’re faithless, unethical, lazy, and witless.
imehi kho, bhikkhave, catūhi dhammehi samannāgato yathābhataṃ nikkhitto evaṃ niraye.	Someone with these four qualities is cast down to hell.


Catūhi, bhikkhave, dhammehi samannāgato yathābhataṃ nikkhitto evaṃ sagge.	Someone with four qualities is raised up to heaven.
Katamehi catūhi?	What four?
Saddho hoti, sīlavā hoti, āraddhavīriyo hoti, paññavā hoti—	They’re faithful, ethical, energetic, and wise.
imehi kho, bhikkhave, catūhi dhammehi samannāgato yathābhataṃ nikkhitto evaṃ sagge”ti.	Someone with these four qualities is raised up to heaven.”

AN 4 vagga 23. Bad Conduct 23. Duccaritavagga

221. Verbal Conduct (⤴)


221. Duccaritasutta	221. Verbal Conduct
“Cattārimāni, bhikkhave, vacīduccaritāni.	“monks, there are these four kinds of bad conduct by way of speech.
Katamāni cattāri?	What four?
Musāvādo, pisuṇā vācā, pharusā vācā, samphappalāpo—	Speech that’s false, divisive, harsh, or nonsensical.
imāni kho, bhikkhave, cattāri vacīduccaritāni.	These are the four kinds of bad conduct by way of speech.
Cattārimāni, bhikkhave, vacīsucaritāni.	There are these four kinds of good conduct by way of speech.
Katamāni cattāri?	What four?
Saccavācā, apisuṇā vācā, saṇhā vācā, mantavācā—	Speech that’s true, harmonious, gentle, and thoughtful.
imāni kho, bhikkhave, cattāri vacīsucaritānī”ti.	These are the four kinds of good conduct by way of speech.”

222. View (⤴)


222. Diṭṭhisutta	222. View
“Catūhi, bhikkhave, dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo viññūnaṃ; bahuñca apuññaṃ pasavati.	“When a foolish, incompetent bad person has four qualities they keep themselves broken and damaged. They deserve to be blamed and criticized by sensible people, and they make much bad karma.
Katamehi catūhi?	What four?
Kāyaduccaritena, vacīduccaritena, manoduccaritena, micchādiṭṭhiyā—	Bad conduct by way of body, speech, and mind, and wrong view.
imehi kho, bhikkhave, catūhi dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo viññūnaṃ, bahuñca apuññaṃ pasavati.	When a foolish, incompetent bad person has these four qualities they keep themselves broken and damaged. They deserve to be blamed and criticized by sensible people, and they make much bad karma.


Catūhi, bhikkhave, dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo viññūnaṃ, bahuñca puññaṃ pasavati.	When an astute, competent good person has four qualities they keep themselves healthy and whole. They don’t deserve to be blamed and criticized by sensible people, and they make much merit.
Katamehi catūhi?	What four?
Kāyasucaritena, vacīsucaritena, manosucaritena, sammādiṭṭhiyā—	Good conduct by way of body, speech, and mind, and right view.
imehi kho, bhikkhave, catūhi dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo viññūnaṃ; bahuñca puññaṃ pasavatī”ti.	When an astute, competent good person has these four qualities they keep themselves healthy and whole. They don’t deserve to be blamed and criticized by sensible people, and they make much merit.”

223. Ungrateful (⤴)


223. Akataññutāsutta	223. Ungrateful
“Catūhi, bhikkhave, dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo viññūnaṃ, bahuñca apuññaṃ pasavati.	“When a foolish, incompetent bad person has four qualities they keep themselves broken and damaged. They deserve to be blamed and criticized by sensible people, and they make much bad karma.
Katamehi catūhi?	What four?
Kāyaduccaritena, vacīduccaritena, manoduccaritena, akataññutā akataveditā—	Bad conduct by way of body, speech, and mind, and being ungrateful and thankless.
imehi … pe … kāyasucaritena, vacīsucaritena, manosucaritena kataññutākataveditā … pe ….	An astute person … makes much merit. … Good conduct by way of body, speech, and mind, and being grateful and thankful. …”

224. Killing Living Creatures (⤴)


224. Pāṇātipātīsutta	224. Killing Living Creatures
… pe … Pāṇātipātī hoti, adinnādāyī hoti, kāmesumicchācārī hoti, musāvādī hoti … pe … pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti … pe ….	“A foolish person … makes much bad karma. … They kill living creatures, steal, commit sexual misconduct, and lie. … An astute person … makes much merit. … They don’t kill living creatures, steal, commit sexual misconduct, or lie. …”

225. Path (1st) (⤴)


225. Paṭhamamaggasutta	225. Path (1st)
… pe … Micchādiṭṭhiko hoti, micchāsaṅkappo hoti, micchāvāco hoti, micchākammanto hoti … pe … sammādiṭṭhiko hoti, sammāsaṅkappo hoti, sammāvāco hoti, sammākammanto hoti … pe ….	“A foolish person … makes much bad karma. … wrong view, wrong thought, wrong speech, wrong action. … An astute person … makes much merit. … right view, right thought, right speech, right action. …”

226. Path (2nd) (⤴)


226. Dutiyamaggasutta	226. Path (2nd)
… pe … Micchāājīvo hoti, micchāvāyāmo hoti, micchāsati hoti, micchāsamādhi hoti … pe … sammāājīvo hoti, sammāvāyāmo hoti, sammāsati hoti, sammāsamādhi hoti … pe ….	“A foolish person … makes much bad karma. … wrong livelihood, wrong effort, wrong rememberfulness, and wrong undistractible-lucidity. … An astute person … makes much merit. … right livelihood, right effort, right rememberfulness, and right undistractible-lucidity. …”

227. Kinds of Expression (1st) (⤴)


227. Paṭhamavohārapathasutta	227. Kinds of Expression (1st)
… pe … Adiṭṭhe diṭṭhavādī hoti, asute sutavādī hoti, amute mutavādī hoti, aviññāte viññātavādī hoti … pe … adiṭṭhe adiṭṭhavādī hoti, asute asutavādī hoti, amute amutavādī hoti, aviññāte aviññātavādī hoti … pe ….	“A foolish person … makes much bad karma. … They say they’ve seen, heard, thought, or cognized something, but they haven’t. … An astute person … makes much merit. … They say they haven’t seen, heard, thought, or cognized something, and they haven’t. …”
Sattamaṃ.

228. Kinds of Expression (2nd) (⤴)


228. Dutiyavohārapathasutta	228. Kinds of Expression (2nd)
… pe … Diṭṭhe adiṭṭhavādī hoti, sute asutavādī hoti, mute amutavādī hoti, viññāte aviññātavādī hoti … pe … diṭṭhe diṭṭhavādī hoti, sute sutavādī hoti, mute mutavādī hoti, viññāte viññātavādī hoti … pe ….	“A foolish person … makes much bad karma. … They say they haven’t seen, heard, thought, or cognized something, but they have. … An astute person … makes much merit. … They say they’ve seen, heard, thought, or cognized something, and they have. …”

229. Imprudence (⤴)


229. Ahirikasutta	229. Imprudence
… pe … Assaddho hoti, dussīlo hoti, ahiriko hoti, anottappī hoti … pe … saddho hoti, sīlavā hoti, hirimā hoti, ottappī hoti … pe ….	“A foolish person … makes much bad karma. … They’re faithless, unethical, shameless, and imprudent. … An astute person … makes much merit. … They’re faithful, ethical, conscientious, and prudent. …”

230. Witless (⤴)


230. Duppaññasutta	230. Witless
… pe … Assaddho hoti, dussīlo hoti, kusīto hoti, duppañño hoti … pe … saddho hoti, sīlavā hoti, āraddhavīriyo hoti, paññavā hoti—	“A foolish person … makes much bad karma. … They’re faithless, unethical, lazy, and witless. … An astute person … makes much merit. … They’re faithful, ethical, energetic, and wise.
imehi kho, bhikkhave, catūhi dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo viññūnaṃ, bahuñca puññaṃ pasavatī”ti.	When an astute, competent good person has these four qualities they keep themselves healthy and whole. They don’t deserve to be blamed and criticized by sensible people, and they make much merit.”

231. Poets (⤴)


231. Kavisutta	231. Poets
“Cattārome, bhikkhave, kavī.	“monks, there are these four poets.
Katame cattāro?	What four?
Cintākavi, sutakavi, atthakavi, paṭibhānakavi—	A poet who thoughtfully composes their own work, a poet who repeats the oral transmission, a poet who educates, and a poet who improvises.
ime kho, bhikkhave, cattāro kavī”ti.	These are the four poets.”

AN 4 vagga 24. Deeds 24. Kammavagga

232. Deeds In Brief (⤴)


232. Saṅkhittasutta	232. Deeds In Brief
“Cattārimāni, bhikkhave, kammāni mayā sayaṃ abhiññā sacchikatvā paveditāni.	“monks, I declare these four kinds of deeds, having realized them with my own insight.
Katamāni cattāri?	What four?
Atthi, bhikkhave, kammaṃ kaṇhaṃ kaṇhavipākaṃ;	There are dark deeds with dark results.
atthi, bhikkhave, kammaṃ sukkaṃ sukkavipākaṃ;	There are bright deeds with bright results.
atthi, bhikkhave, kammaṃ kaṇhasukkaṃ kaṇhasukkavipākaṃ;	There are dark and bright deeds with dark and bright results.
atthi, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.	There are neither dark nor bright deeds with neither dark nor bright results, which lead to the ending of deeds.
Imāni kho, bhikkhave, cattāri kammāni mayā sayaṃ abhiññā sacchikatvā paveditānī”ti.	These are the four kinds of deeds that I declare, having realized them with my own insight.”

233. Deeds in Detail (⤴)


233. Vitthārasutta	233. Deeds in Detail
“Cattārimāni, bhikkhave, kammāni mayā sayaṃ abhiññā sacchikatvā paveditāni.	“monks, I declare these four kinds of deeds, having realized them with my own insight.
Katamāni cattāri?	What four?


Atthi, bhikkhave, kammaṃ kaṇhaṃ kaṇhavipākaṃ;	There are dark deeds with dark results;
atthi, bhikkhave, kammaṃ sukkaṃ sukkavipākaṃ;	bright deeds with bright results;
atthi, bhikkhave, kammaṃ kaṇhasukkaṃ kaṇhasukkavipākaṃ;	dark and bright deeds with dark and bright results; and
atthi, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.	neither dark nor bright deeds with neither dark nor bright results, which lead to the ending of deeds.
Katamañca, bhikkhave, kammaṃ kaṇhaṃ kaṇhavipākaṃ?	And what are dark deeds with dark results?
Idha, bhikkhave, ekacco sabyābajjhaṃ kāyasaṅkhāraṃ abhisaṅkharoti, sabyābajjhaṃ vacīsaṅkhāraṃ abhisaṅkharoti, sabyābajjhaṃ manosaṅkhāraṃ abhisaṅkharoti.	It’s when someone makes hurtful co-doings by way of body, speech, and mind.
So sabyābajjhaṃ kāyasaṅkhāraṃ abhisaṅkharitvā, sabyābajjhaṃ vacīsaṅkhāraṃ abhisaṅkharitvā, sabyābajjhaṃ manosaṅkhāraṃ abhisaṅkharitvā sabyābajjhaṃ lokaṃ upapajjati.	Having made these co-doings, they’re reborn in a hurtful world,
Tamenaṃ sabyābajjhaṃ lokaṃ upapannaṃ samānaṃ sabyābajjhā phassā phusanti.	where hurtful contacts touch them.
So sabyābajjhehi phassehi phuṭṭho samāno sabyābajjhaṃ vedanaṃ vediyati ekantadukkhaṃ, seyyathāpi sattā nerayikā.	Touched by hurtful contacts, they experience hurtful feelings that are exclusively painful—like the beings in hell.
Idaṃ vuccati, bhikkhave, kammaṃ kaṇhaṃ kaṇhavipākaṃ.	These are called dark deeds with dark results.


Katamañca, bhikkhave, kammaṃ sukkaṃ sukkavipākaṃ?	And what are bright deeds with bright results?
Idha, bhikkhave, ekacco abyābajjhaṃ kāyasaṅkhāraṃ abhisaṅkharoti, abyābajjhaṃ vacīsaṅkhāraṃ abhisaṅkharoti, abyābajjhaṃ manosaṅkhāraṃ abhisaṅkharoti.	It’s when someone makes pleasing co-doings by way of body, speech, and mind.
So abyābajjhaṃ kāyasaṅkhāraṃ abhisaṅkharitvā, abyābajjhaṃ vacīsaṅkhāraṃ abhisaṅkharitvā, abyābajjhaṃ manosaṅkhāraṃ abhisaṅkharitvā abyābajjhaṃ lokaṃ upapajjati.	Having made these co-doings, they’re reborn in a pleasing world,
Tamenaṃ abyābajjhaṃ lokaṃ upapannaṃ samānaṃ abyābajjhā phassā phusanti.	where pleasing contacts touch them.
So abyābajjhehi phassehi phuṭṭho samāno abyābajjhaṃ vedanaṃ vediyati ekantasukhaṃ, seyyathāpi devā subhakiṇhā.	Touched by pleasing contacts, they experience pleasing feelings that are exclusively happy—like the gods replete with glory.
Idaṃ vuccati, bhikkhave, kammaṃ sukkaṃ sukkavipākaṃ.	These are called bright deeds with bright results.


Katamañca, bhikkhave, kammaṃ kaṇhasukkaṃ kaṇhasukkavipākaṃ?	And what are dark and bright deeds with dark and bright results?
Idha, bhikkhave, ekacco sabyābajjhampi abyābajjhampi kāyasaṅkhāraṃ abhisaṅkharoti, sabyābajjhampi abyābajjhampi vacīsaṅkhāraṃ abhisaṅkharoti, sabyābajjhampi abyābajjhampi manosaṅkhāraṃ abhisaṅkharoti.	It’s when someone makes both hurtful and pleasing co-doings by way of body, speech, and mind.
So sabyābajjhampi abyābajjhampi kāyasaṅkhāraṃ abhisaṅkharitvā, sabyābajjhampi abyābajjhampi vacīsaṅkhāraṃ abhisaṅkharitvā, sabyābajjhampi abyābajjhampi manosaṅkhāraṃ abhisaṅkharitvā sabyābajjhampi abyābajjhampi lokaṃ upapajjati.	Having made these co-doings, they are reborn in a world that is both hurtful and pleasing,
Tamenaṃ sabyābajjhampi abyābajjhampi lokaṃ upapannaṃ samānaṃ sabyābajjhāpi abyābajjhāpi phassā phusanti.	where hurtful and pleasing contacts touch them.
So sabyābajjhehipi abyābajjhehipi phassehi phuṭṭho samāno sabyābajjhampi abyābajjhampi vedanaṃ vediyati vokiṇṇasukhadukkhaṃ, seyyathāpi manussā ekacce ca devā ekacce ca vinipātikā.	Touched by both hurtful and pleasing contacts, they experience both hurtful and pleasing feelings that are a mixture of pleasure and pain—like humans, some gods, and some beings in the underworld.
Idaṃ vuccati, bhikkhave, kammaṃ kaṇhasukkaṃ kaṇhasukkavipākaṃ.	These are called dark and bright deeds with dark and bright results.


Katamañca, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati?	And what are neither dark nor bright deeds with neither dark nor bright results, which lead to the ending of deeds?
Tatra, bhikkhave, yamidaṃ kammaṃ kaṇhaṃ kaṇhavipākaṃ tassa pahānāya yā cetanā, yamidaṃ kammaṃ sukkaṃ sukkavipākaṃ tassa pahānāya yā cetanā, yamidaṃ kammaṃ kaṇhasukkaṃ kaṇhasukkavipākaṃ tassa pahānāya yā cetanā—	It’s the intention to give up dark deeds with dark results, bright deeds with bright results, and both dark and bright deeds with both dark and bright results.
idaṃ vuccati, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.	These are called neither dark nor bright deeds with neither dark nor bright results, which lead to the ending of deeds.
Imāni kho, bhikkhave, cattāri kammāni mayā sayaṃ abhiññā sacchikatvā paveditānī”ti.	These are the four kinds of deeds that I declare, having realized them with my own insight.”

234. About Soṇakāyana (⤴)


234. Soṇakāyanasutta	234. About Soṇakāyana
Atha kho sikhāmoggallāno brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi.	Then Sikhāmoggallāna the brahmin went up to the Buddha, and exchanged greetings with him.
Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho sikhāmoggallāno brāhmaṇo bhagavantaṃ etadavoca:	When the greetings and polite conversation were over, Sikhāmoggallāna sat down to one side, and said to the Buddha:


“Purimāni, bho gotama, divasāni purimatarāni soṇakāyano māṇavo yenāhaṃ tenupasaṅkami; upasaṅkamitvā maṃ etadavoca:	“Master Gotama, a few days ago the student Soṇakāyana came to me and said:
‘samaṇo gotamo sabbakammānaṃ akiriyaṃ paññapeti, sabbakammānaṃ kho pana akiriyaṃ paññapento ucchedaṃ āha lokassa’—	‘The ascetic Gotama advocates not doing any deeds. So he teaches the annihilation of the world!’
kammasaccāyaṃ, bho, loko kammasamārambhaṭṭhāyī”ti.	The world exists through deeds, and it remains because deeds are undertaken.”


“Dassanampi kho ahaṃ, brāhmaṇa, soṇakāyanassa māṇavassa nābhijānāmi;	“Brahmin, I can’t recall even seeing the student Soṇakāyana,
kuto panevarūpo kathāsallāpo.	so how could we possibly have had such a discussion?
Cattārimāni, brāhmaṇa, kammāni mayā sayaṃ abhiññā sacchikatvā paveditāni.	I declare these four kinds of deeds, having realized them with my own insight.
Katamāni cattāri?	What four?


Atthi, brāhmaṇa, kammaṃ kaṇhaṃ kaṇhavipākaṃ;	There are dark deeds with dark results;
atthi, brāhmaṇa, kammaṃ sukkaṃ sukkavipākaṃ;	bright deeds with bright results;
atthi, brāhmaṇa, kammaṃ kaṇhasukkaṃ kaṇhasukkavipākaṃ;	dark and bright deeds with dark and bright results; and
atthi, brāhmaṇa, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.	neither dark nor bright deeds with neither dark nor bright results, which lead to the ending of deeds.
Katamañca, brāhmaṇa, kammaṃ kaṇhaṃ kaṇhavipākaṃ?	< And what are the dark deeds with dark results?
Idha, brāhmaṇa, ekacco sabyābajjhaṃ kāyasaṅkhāraṃ abhisaṅkharoti, sabyābajjhaṃ vacīsaṅkhāraṃ abhisaṅkharoti, sabyābajjhaṃ manosaṅkhāraṃ abhisaṅkharoti.	It’s when someone makes hurtful co-doings by way of body, speech, and mind. …
So sabyābajjhaṃ kāyasaṅkhāraṃ abhisaṅkharitvā, sabyābajjhaṃ vacīsaṅkhāraṃ abhisaṅkharitvā, sabyābajjhaṃ manosaṅkhāraṃ abhisaṅkharitvā sabyābajjhaṃ lokaṃ upapajjati.
Tamenaṃ sabyābajjhaṃ lokaṃ upapannaṃ samānaṃ sabyābajjhā phassā phusanti.
So sabyābajjhehi phassehi phuṭṭho samāno sabyābajjhaṃ vedanaṃ vediyati ekantadukkhaṃ, seyyathāpi sattā nerayikā.	Touched by hurtful contacts, they experience hurtful feelings that are exclusively painful—like the beings in hell.
Idaṃ vuccati, brāhmaṇa, kammaṃ kaṇhaṃ kaṇhavipākaṃ.	These are called dark deeds with dark results.


Katamañca, brāhmaṇa, kammaṃ sukkaṃ sukkavipākaṃ?	And what are bright deeds with bright results?
Idha, brāhmaṇa, ekacco abyābajjhaṃ kāyasaṅkhāraṃ abhisaṅkharoti, abyābajjhaṃ vacīsaṅkhāraṃ abhisaṅkharoti, abyābajjhaṃ manosaṅkhāraṃ abhisaṅkharoti.	It’s when someone makes pleasing co-doings by way of body, speech, and mind. …
So abyābajjhaṃ kāyasaṅkhāraṃ abhisaṅkharitvā, abyābajjhaṃ vacīsaṅkhāraṃ abhisaṅkharitvā, abyābajjhaṃ manosaṅkhāraṃ abhisaṅkharitvā abyābajjhaṃ lokaṃ upapajjati.
Tamenaṃ abyābajjhaṃ lokaṃ upapannaṃ samānaṃ abyābajjhā phassā phusanti.
So abyābajjhehi phassehi phuṭṭho samāno abyābajjhaṃ vedanaṃ vediyati ekantasukhaṃ, seyyathāpi devā subhakiṇhā.	Touched by pleasing contacts, they experience pleasing feelings that are exclusively happy—like the gods replete with glory.
Idaṃ vuccati, brāhmaṇa, kammaṃ sukkaṃ sukkavipākaṃ.	These are called bright deeds with bright results.


Katamañca, brāhmaṇa, kammaṃ kaṇhasukkaṃ kaṇhasukkavipākaṃ?	And what are dark and bright deeds with dark and bright results?
Idha, brāhmaṇa, ekacco sabyābajjhampi abyābajjhampi kāyasaṅkhāraṃ abhisaṅkharoti, sabyābajjhampi abyābajjhampi vacīsaṅkhāraṃ abhisaṅkharoti, sabyābajjhampi abyābajjhampi manosaṅkhāraṃ abhisaṅkharoti.	It’s when someone makes both hurtful and pleasing co-doings by way of body, speech, and mind. …
So sabyābajjhampi abyābajjhampi kāyasaṅkhāraṃ abhisaṅkharitvā, sabyābajjhampi abyābajjhampi vacīsaṅkhāraṃ abhisaṅkharitvā, sabyābajjhampi abyābajjhampi manosaṅkhāraṃ abhisaṅkharitvā sabyābajjhampi abyābajjhampi lokaṃ upapajjati.
Tamenaṃ sabyābajjhampi abyābajjhampi lokaṃ upapannaṃ samānaṃ sabyābajjhāpi abyābajjhāpi phassā phusanti.
So sabyābajjhehipi abyābajjhehipi phassehi phuṭṭho samāno sabyābajjhampi abyābajjhampi vedanaṃ vediyati vokiṇṇasukhadukkhaṃ, seyyathāpi manussā ekacce ca devā ekacce ca vinipātikā.	Touched by both hurtful and pleasing contacts, they experience both hurtful and pleasing feelings that are a mixture of pleasure and pain—like humans, some gods, and some beings in the underworld.
Idaṃ vuccati, brāhmaṇa, kammaṃ kaṇhasukkaṃ kaṇhasukkavipākaṃ.	These are called dark and bright deeds with dark and bright results.


Katamañca, brāhmaṇa, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati?	And what are neither dark nor bright deeds with neither dark nor bright results, which lead to the ending of deeds?
Tatra, brāhmaṇa, yamidaṃ kammaṃ kaṇhaṃ kaṇhavipākaṃ tassa pahānāya yā cetanā, yamidaṃ kammaṃ sukkaṃ sukkavipākaṃ tassa pahānāya yā cetanā, yamidaṃ kammaṃ kaṇhasukkaṃ kaṇhasukkavipākaṃ tassa pahānāya yā cetanā—	It’s the intention to give up dark deeds with dark results, bright deeds with bright results, and both dark and bright deeds with both dark and bright results.
idaṃ vuccati, brāhmaṇa, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.	These are called neither dark nor bright deeds with neither dark nor bright results, which lead to the ending of deeds.
Imāni kho, brāhmaṇa, cattāri kammāni mayā sayaṃ abhiññā sacchikatvā paveditānī”ti.	These are the four kinds of deeds that I declare, having realized them with my own insight.”

235. Training Rules (1st) (⤴)


235. Paṭhamasikkhāpadasutta	235. Training Rules (1st)
“Cattārimāni, bhikkhave, kammāni mayā sayaṃ abhiññā sacchikatvā paveditāni.	“monks, I declare these four kinds of deeds, having realized them with my own insight.
Katamāni cattāri?	What four?


Atthi, bhikkhave, kammaṃ kaṇhaṃ kaṇhavipākaṃ;	There are dark deeds with dark results;
atthi, bhikkhave, kammaṃ sukkaṃ sukkavipākaṃ;	bright deeds with bright results;
atthi, bhikkhave, kammaṃ kaṇhasukkaṃ kaṇhasukkavipākaṃ;	dark and bright deeds with dark and bright results; and
atthi, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.	neither dark nor bright deeds with neither dark nor bright results, which lead to the ending of deeds.
Katamañca, bhikkhave, kammaṃ kaṇhaṃ kaṇhavipākaṃ?	And what are the dark deeds with dark results?
Idha, bhikkhave, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, surāmerayamajjapamādaṭṭhāyī hoti.	It’s when someone kills living creatures, steals, commits sexual misconduct, lies, and uses alcoholic drinks that cause negligence.
Idaṃ vuccati, bhikkhave, kammaṃ kaṇhaṃ kaṇhavipākaṃ.	These are called dark deeds with dark results.


Katamañca, bhikkhave, kammaṃ sukkaṃ sukkavipākaṃ?	And what are bright deeds with bright results?
Idha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti.	It’s when someone doesn’t kill living creatures, steal, commit sexual misconduct, lie, or use alcoholic drinks that cause negligence.
Idaṃ vuccati, bhikkhave, kammaṃ sukkaṃ sukkavipākaṃ.	These are called bright deeds with bright results.


Katamañca, bhikkhave, kammaṃ kaṇhasukkaṃ kaṇhasukkavipākaṃ?	And what are dark and bright deeds with dark and bright results?
Idha, bhikkhave, ekacco sabyābajjhampi abyābajjhampi kāyasaṅkhāraṃ abhisaṅkharoti … pe … idaṃ vuccati, bhikkhave, kammaṃ kaṇhasukkaṃ kaṇhasukkavipākaṃ.	It’s when someone makes both hurtful and pleasing co-doings by way of body, speech, and mind. These are called dark and bright deeds with dark and bright results.


Katamañca, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati?	And what are neither dark nor bright deeds with neither dark nor bright results, which lead to the ending of deeds?
Tatra, bhikkhave, yamidaṃ kammaṃ kaṇhaṃ kaṇhavipākaṃ … pe … idaṃ vuccati, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.	It’s the intention to give up dark deeds with dark results, bright deeds with bright results, and both dark and bright deeds with both dark and bright results. These are called neither dark nor bright deeds with neither dark nor bright results, which lead to the ending of deeds.
Imāni kho, bhikkhave, cattāri kammāni mayā sayaṃ abhiññā sacchikatvā paveditānī”ti.	These are the four kinds of deeds that I declare, having realized them with my own insight.”

236. Training Rules (2nd) (⤴)


236. Dutiyasikkhāpadasutta	236. Training Rules (2nd)
“Cattārimāni, bhikkhave, kammāni mayā sayaṃ abhiññā sacchikatvā paveditāni.	“monks, I declare these four kinds of deeds, having realized them with my own insight.
Katamāni cattāri?	What four?


Atthi, bhikkhave, kammaṃ kaṇhaṃ kaṇhavipākaṃ;	There are dark deeds with dark results;
atthi, bhikkhave, kammaṃ sukkaṃ sukkavipākaṃ;	bright deeds with bright results;
atthi, bhikkhave, kammaṃ kaṇhasukkaṃ kaṇhasukkavipākaṃ;	dark and bright deeds with dark and bright results; and
atthi, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.	neither dark nor bright deeds with neither dark nor bright results, which lead to the ending of deeds.
Katamañca, bhikkhave, kammaṃ kaṇhaṃ kaṇhavipākaṃ?	And what are dark deeds with dark results?
Idha, bhikkhave, ekaccena mātā jīvitā voropitā hoti, pitā jīvitā voropito hoti, arahaṃ jīvitā voropito hoti, tathāgatassa duṭṭhena cittena lohitaṃ uppāditaṃ hoti, saṃgho bhinno hoti.	It's when someone murders their mother or father or a perfected one. They maliciously shed the blood of a Realized One. Or they cause a schism in the Saṅgha.
Idaṃ vuccati, bhikkhave, kammaṃ kaṇhaṃ kaṇhavipākaṃ.	These are called dark deeds with dark results.


Katamañca, bhikkhave, kammaṃ sukkaṃ sukkavipākaṃ?	And what are bright deeds with bright results?
Idha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhi hoti.	It’s when someone doesn’t kill living creatures, steal, or commit sexual misconduct. They don’t use speech that’s false, divisive, harsh, or nonsensical. And they’re content, kind-hearted, with right view.
Idaṃ vuccati, bhikkhave, kammaṃ sukkaṃ sukkavipākaṃ.	These are called bright deeds with bright results.


Katamañca, bhikkhave, kammaṃ kaṇhasukkaṃ kaṇhasukkavipākaṃ?	And what are dark and bright deeds with dark and bright results?
Idha, bhikkhave, ekacco sabyābajjhampi abyābajjhampi kāyasaṅkhāraṃ abhisaṅkharoti … pe … idaṃ vuccati, bhikkhave, kammaṃ kaṇhasukkaṃ kaṇhasukkavipākaṃ.	It’s when someone makes both hurtful and pleasing co-doings by way of body, speech, and mind. These are called dark and bright deeds with dark and bright results.


Katamañca, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati?	And what are neither dark nor bright deeds with neither dark nor bright results, which lead to the ending of deeds?
Tatra, bhikkhave, yamidaṃ kammaṃ kaṇhaṃ kaṇhavipākaṃ … pe … idaṃ vuccati, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.	It’s the intention to give up dark deeds with dark results, bright deeds with bright results, and both dark and bright deeds with both dark and bright results. These are called neither dark nor bright deeds with neither dark nor bright results, which lead to the ending of deeds.
Imāni kho, bhikkhave, cattāri kammāni mayā sayaṃ abhiññā sacchikatvā paveditānī”ti.	These are the four kinds of deeds that I declare, having realized them with my own insight.”

237. The Noble Path (⤴)


237. Ariyamaggasutta	237. The Noble Path
“Cattārimāni, bhikkhave, kammāni mayā sayaṃ abhiññā sacchikatvā paveditāni.	“monks, I declare these four kinds of deeds, having realized them with my own insight.
Katamāni cattāri?	What four?


Atthi, bhikkhave, kammaṃ kaṇhaṃ kaṇhavipākaṃ;	There are dark deeds with dark results;
atthi, bhikkhave, kammaṃ sukkaṃ sukkavipākaṃ;	bright deeds with bright results;
atthi, bhikkhave, kammaṃ kaṇhasukkaṃ kaṇhasukkavipākaṃ;	dark and bright deeds with dark and bright results; and
atthi, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.	neither dark nor bright deeds with neither dark nor bright results, which lead to the ending of deeds.
Katamañca, bhikkhave, kammaṃ kaṇhaṃ kaṇhavipākaṃ?	And what are dark deeds with dark results?
Idha, bhikkhave, ekacco sabyābajjhaṃ kāyasaṅkhāraṃ abhisaṅkharoti … pe … idaṃ vuccati, bhikkhave, kammaṃ kaṇhaṃ kaṇhavipākaṃ.	It’s when someone makes hurtful co-doings by way of body, speech, and mind. These are called dark deeds with dark results.


Katamañca, bhikkhave, kammaṃ sukkaṃ sukkavipākaṃ?	And what are bright deeds with bright results?
Idha, bhikkhave, ekacco abyābajjhaṃ kāyasaṅkhāraṃ abhisaṅkharoti … pe … idaṃ vuccati, bhikkhave, kammaṃ sukkaṃ sukkavipākaṃ.	It’s when someone makes pleasing co-doings by way of body, speech, and mind. These are called bright deeds with bright results.


Katamañca, bhikkhave, kammaṃ kaṇhasukkaṃ kaṇhasukkavipākaṃ?	And what are dark and bright deeds with dark and bright results?
Idha, bhikkhave, ekacco sabyābajjhampi abyābajjhampi kāyasaṅkhāraṃ abhisaṅkharoti … pe … idaṃ vuccati, bhikkhave, kammaṃ kaṇhasukkaṃ kaṇhasukkavipākaṃ.	It’s when someone makes both hurtful and pleasing co-doings by way of body, speech, and mind. These are called dark and bright deeds with dark and bright results.


Katamañca, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati?	And what are neither dark nor bright deeds with neither dark nor bright results, which lead to the ending of deeds?
Sammādiṭṭhi … pe … sammāsamādhi.	Right view, right thought, right speech, right action, right livelihood, right effort, right rememberfulness, and right undistractible-lucidity.
Idaṃ vuccati, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.	These are called neither dark nor bright deeds with neither dark nor bright results, which lead to the ending of deeds.
Imāni kho, bhikkhave, cattāri kammāni mayā sayaṃ abhiññā sacchikatvā paveditānī”ti.	These are the four kinds of deeds that I declare, having realized them with my own insight.”

238. Awakening Factors (⤴)


238. Bojjhaṅgasutta	238. Awakening Factors
“Cattārimāni, bhikkhave, kammāni … pe … kaṇhaṃ kaṇhavipākaṃ … pe … idha, bhikkhave, ekacco sabyābajjhaṃ kāyasaṅkhāraṃ abhisaṅkharoti … pe … idaṃ vuccati, bhikkhave, kammaṃ kaṇhaṃ kaṇhavipākaṃ.	“monks, I declare these four kinds of deeds, having realized them with my own insight. ... And what are dark deeds with dark results? It’s when someone makes hurtful co-doings by way of body, speech, and mind. These are called dark deeds with dark results.


Katamañca, bhikkhave, kammaṃ sukkaṃ sukkavipākaṃ?	And what are bright deeds with bright results?
Idha, bhikkhave, ekacco abyābajjhaṃ kāyasaṅkhāraṃ abhisaṅkharoti … pe … idaṃ vuccati, bhikkhave, kammaṃ sukkaṃ sukkavipākaṃ.	It’s when someone makes pleasing co-doings by way of body, speech, and mind. These are called bright deeds with bright results.


Katamañca, bhikkhave, kammaṃ kaṇhasukkaṃ kaṇhasukkavipākaṃ?	And what are dark and bright deeds with dark and bright results?
Idha, bhikkhave, ekacco sabyābajjhampi abyābajjhampi kāyasaṅkhāraṃ abhisaṅkharoti … pe … idaṃ vuccati, bhikkhave, kammaṃ kaṇhasukkaṃ kaṇhasukkavipākaṃ.	It’s when someone makes both hurtful and pleasing co-doings by way of body, speech, and mind. These are called dark and bright deeds with dark and bright results.


Katamañca, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati?	And what are neither dark nor bright deeds with neither dark nor bright results, which lead to the ending of deeds?
Satisambojjhaṅgo, dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo—	The awakening factors of rememberfulness, investigation of principles, energy, rapture, pacification, undistractible-lucidity, and equanimity.
idaṃ vuccati, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.	These are called neither dark nor bright deeds with neither dark nor bright results, which lead to the ending of deeds.
Imāni kho, bhikkhave, cattāri kammāni mayā sayaṃ abhiññā sacchikatvā paveditānī”ti.	These are the four kinds of deeds that I declare, having realized them with my own insight.”

239. Blameworthy (⤴)


239. Sāvajjasutta	239. Blameworthy
“Catūhi, bhikkhave, dhammehi samannāgato yathābhataṃ nikkhitto evaṃ niraye.	“monks, someone with four qualities is cast down to hell.
Katamehi catūhi?	What four?
Sāvajjena kāyakammena, sāvajjena vacīkammena, sāvajjena manokammena, sāvajjāya diṭṭhiyā—	Blameworthy deeds by way of body, speech, and mind, and blameworthy view.
imehi kho, bhikkhave, catūhi dhammehi samannāgato yathābhataṃ nikkhitto evaṃ niraye.	Someone with these four qualities is cast down to hell.


Catūhi, bhikkhave, dhammehi samannāgato yathābhataṃ nikkhitto evaṃ sagge.	Someone with four qualities is raised up to heaven.
Katamehi catūhi?	What four?
Anavajjena kāyakammena, anavajjena vacīkammena, anavajjena manokammena, anavajjāya diṭṭhiyā—	Blameless deeds by way of body, speech, and mind, and blameless view.
imehi kho, bhikkhave, catūhi dhammehi samannāgato yathābhataṃ nikkhitto evaṃ sagge”ti.	Someone with these four qualities is raised up to heaven.”

240. Pleasing (⤴)


240. Abyābajjhasutta	240. Pleasing
“Catūhi, bhikkhave, dhammehi samannāgato yathābhataṃ nikkhitto evaṃ niraye.	“monks, someone with four qualities is cast down to hell.
Katamehi catūhi?	What four?
Sabyābajjhena kāyakammena, sabyābajjhena vacīkammena, sabyābajjhena manokammena, sabyābajjhāya diṭṭhiyā—	Hurtful deeds by way of body, speech, and mind, and hurtful view.
imehi kho, bhikkhave, catūhi dhammehi samannāgato yathābhataṃ nikkhitto evaṃ niraye.	Someone with these four qualities is cast down to hell.


Catūhi, bhikkhave, dhammehi samannāgato yathābhataṃ nikkhitto evaṃ sagge.	Someone with four qualities is raised up to heaven.
Katamehi catūhi?	What four?
Abyābajjhena kāyakammena, abyābajjhena vacīkammena, abyābajjhena manokammena, abyābajjhāya diṭṭhiyā—	Pleasing deeds by way of body, speech, and mind, and pleasing view.
imehi kho, bhikkhave, catūhi dhammehi samannāgato yathābhataṃ nikkhitto evaṃ sagge”ti.	Someone with these four qualities is raised up to heaven.”

241. Ascetics (⤴)


241. Samaṇasutta	241. Ascetics
“‘Idheva, bhikkhave, paṭhamo samaṇo, idha dutiyo samaṇo, idha tatiyo samaṇo, idha catuttho samaṇo;	“‘Only here is there a true ascetic, here a second ascetic, here a third ascetic, and here a fourth ascetic.
suññā parappavādā samaṇehi aññehī’ti—	Other sects are empty of ascetics.’
evametaṃ, bhikkhave, sammā sīhanādaṃ nadatha.	This, monks, is how you should rightly roar your lion’s roar.


Katamo ca, bhikkhave, paṭhamo samaṇo?	And who is the first ascetic?
Idha, bhikkhave, bhikkhu tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyaṇo.	It’s a monk who—with the ending of three fetters—is a stream-enterer, not liable to be reborn in the underworld, bound for awakening.
Ayaṃ, bhikkhave, paṭhamo samaṇo.	This is the first ascetic.


Katamo ca, bhikkhave, dutiyo samaṇo?	And who is the second ascetic?
Idha, bhikkhave, bhikkhu tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī hoti, sakideva imaṃ lokaṃ āgantvā dukkhassantaṃ karoti.	It’s a monk who—with the ending of three fetters, and the weakening of greed, hate, and delusion—is a once-returner. They come back to this world once only, then make an end of suffering.
Ayaṃ, bhikkhave, dutiyo samaṇo.	This is the second ascetic.


Katamo ca, bhikkhave, tatiyo samaṇo?	And who is the third ascetic?
Idha, bhikkhave, bhikkhu pañcannaṃ orambhāgiyānaṃ saṃyojanānaṃ parikkhayā opapātiko hoti tattha parinibbāyī anāvattidhammo tasmā lokā.	It’s a monk who—with the ending of the five lower fetters—is reborn spontaneously. They’re nirvana'd there, and are not liable to return from that world.
Ayaṃ, bhikkhave, tatiyo samaṇo.	This is the third ascetic.


Katamo ca, bhikkhave, catuttho samaṇo?	And who is the fourth ascetic?
Idha, bhikkhave, bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati.	It’s a monk who realizes the undefiled freedom of heart and freedom by wisdom in this very life. And they live having realized it with their own insight due to the ending of defilements.
Ayaṃ, bhikkhave, catuttho samaṇo.	This is the fourth ascetic.


‘Idheva, bhikkhave, paṭhamo samaṇo, idha dutiyo samaṇo, idha tatiyo samaṇo, idha catuttho samaṇo;	‘Only here is there a true ascetic, here a second ascetic, here a third ascetic, and here a fourth ascetic.
suññā parappavādā samaṇebhi aññehī’ti—	Other sects are empty of ascetics.’
evametaṃ, bhikkhave, sammā sīhanādaṃ nadathā”ti.	This, monks, is how you should rightly roar your lion’s roar.”

242. Benefits of a Good Person (⤴)


242. Sappurisānisaṃsasutta	242. Benefits of a Good Person
“Sappurisaṃ, bhikkhave, nissāya cattāro ānisaṃsā pāṭikaṅkhā.	“monks, you can expect four benefits from relying on a good person.
Katame cattāro?	What four?
Ariyena sīlena vaḍḍhati, ariyena samādhinā vaḍḍhati, ariyāya paññāya vaḍḍhati, ariyāya vimuttiyā vaḍḍhati—	Growth in noble ethics, undistractible-lucidity, wisdom, and freedom.
sappurisaṃ, bhikkhave, nissāya ime cattāro ānisaṃsā pāṭikaṅkhā”ti.	You can expect these four benefits from relying on a good person.”

AN 4 vagga 25. Perils of Offenses 25. Āpattibhayavagga

243. Schism in the Saṅgha (⤴)


243. Saṅghabhedakasutta	243. Schism in the Saṅgha
Ekaṃ samayaṃ bhagavā kosambiyaṃ viharati ghositārāme.	At one time the Buddha was staying near Kosambi, in Ghosita’s Monastery.
Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ ānandaṃ bhagavā etadavoca:	Then Venerable Ānanda went up to the Buddha, bowed, and sat down to one side. The Buddha said to him:
“api nu taṃ, ānanda, adhikaraṇaṃ vūpasantan”ti?	“Well, Ānanda, has that disciplinary issue been settled yet?”
“Kuto taṃ, bhante, adhikaraṇaṃ vūpasamissati.	“How could it be, sir?
Āyasmato, bhante, anuruddhassa bāhiyo nāma saddhivihāriko kevalakappaṃ saṃghabhedāya ṭhito.	Venerable Anuruddha’s pupil Bāhiya remains entirely committed to creating a schism in the Saṅgha.
Tatrāyasmā anuruddho na ekavācikampi bhaṇitabbaṃ maññatī”ti.	But Anuruddha doesn’t think to say a single word about it.”


“Kadā panānanda, anuruddho saṃghamajjhe adhikaraṇesu voyuñjati.	“But Ānanda, since when has Anuruddha been involved in disciplinary issues in the midst of the Saṅgha?
Nanu, ānanda, yāni kānici adhikaraṇāni uppajjanti, sabbāni tāni tumhe ceva vūpasametha sāriputtamoggallānā ca.	Shouldn’t you, together with Sāriputta and Moggallāna, settle all disciplinary issues that come up?


Cattārome, ānanda, atthavase sampassamāno pāpabhikkhu saṅghabhedena nandati.	A bad monk sees four reasons to relish schism in the Saṅgha.
Katame cattāro?	What four?
Idhānanda, pāpabhikkhu dussīlo hoti pāpadhammo asuci saṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujāto.	Take an unethical monk, of bad qualities, filthy, with suspicious behavior, underhand, no true ascetic or spiritual practitioner—though claiming to be one—rotten inside, corrupt, and depraved.
Tassa evaṃ hoti:	He thinks:
‘sace kho maṃ bhikkhū jānissanti—	‘Suppose the monks know that I’m a bad monk …
dussīlo pāpadhammo asuci saṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujātoti, samaggā maṃ santā nāsessanti;	If they’re in harmony, they’ll expel me,
vaggā pana maṃ na nāsessantī’ti.	but if they’re divided they won’t.’
Idaṃ, ānanda, paṭhamaṃ atthavasaṃ sampassamāno pāpabhikkhu saṅghabhedena nandati.	A bad monk sees this as the first reason to relish schism in the Saṅgha.


Puna caparaṃ, ānanda, pāpabhikkhu micchādiṭṭhiko hoti, antaggāhikāya diṭṭhiyā samannāgato.	Furthermore, a bad monk has wrong view, he’s attached to an extremist view.
Tassa evaṃ hoti:	He thinks:
‘sace kho maṃ bhikkhū jānissanti—	‘Suppose the monks know that I have wrong view …
micchādiṭṭhiko antaggāhikāya diṭṭhiyā samannāgatoti, samaggā maṃ santā nāsessanti;	If they’re in harmony they’ll expel me,
vaggā pana maṃ na nāsessantī’ti.	but if they’re divided they won’t.’
Idaṃ, ānanda, dutiyaṃ atthavasaṃ sampassamāno pāpabhikkhu saṅghabhedena nandati.	A bad monk sees this as the second reason to relish schism in the Saṅgha.


Puna caparaṃ, ānanda, pāpabhikkhu micchāājīvo hoti, micchāājīvena jīvikaṃ kappeti.	Furthermore, a bad monk has wrong livelihood and earns a living by wrong livelihood.
Tassa evaṃ hoti:	He thinks:
‘sace kho maṃ bhikkhū jānissanti—	‘Suppose the monks know that I have wrong livelihood …
micchāājīvo micchāājīvena jīvikaṃ kappetīti, samaggā maṃ santā nāsessanti;	If they’re in harmony they’ll expel me,
vaggā pana maṃ na nāsessantī’ti.	but if they’re divided they won’t.’
Idaṃ, ānanda, tatiyaṃ atthavasaṃ sampassamāno pāpabhikkhu saṃghabhedena nandati.	A bad monk sees this as the third reason to relish schism in the Saṅgha.


Puna caparaṃ, ānanda, pāpabhikkhu lābhakāmo hoti sakkārakāmo anavaññattikāmo.	Furthermore, a bad monk desires material possessions, honor, and admiration.
Tassa evaṃ hoti:	He thinks:
‘sace kho maṃ bhikkhū jānissanti—	‘Suppose the monks know that I desire material possessions, honor, and admiration.
lābhakāmo sakkārakāmo anavaññattikāmoti, samaggā maṃ santā na sakkarissanti na garuṃ karissanti na mānessanti na pūjessanti;	If they’re in harmony they won’t honor, respect, revere, or venerate me,
vaggā pana maṃ sakkarissanti garuṃ karissanti mānessanti pūjessantī’ti.	but if they’re divided they will.’
Idaṃ, ānanda, catutthaṃ atthavasaṃ sampassamāno pāpabhikkhu saṅghabhedena nandati.	A bad monk sees this as the fourth reason to relish schism in the Saṅgha.
Ime kho, ānanda, cattāro atthavase sampassamāno pāpabhikkhu saṅghabhedena nandatī”ti.	A bad monk sees these four reasons to relish schism in the Saṅgha.”

244. Perils of Offenses (⤴)


244. Āpattibhayasutta	244. Perils of Offenses
“Cattārimāni, bhikkhave, āpattibhayāni.	“monks, there are these four perils of offenses.
Katamāni cattāri?	What four?
Seyyathāpi, bhikkhave, coraṃ āgucāriṃ gahetvā rañño dasseyyuṃ:	Suppose they were to arrest a bandit, a criminal and present him to the king, saying:
‘ayaṃ te, deva, coro āgucārī.	‘Your Majesty, this is a bandit, a criminal.
Imassa devo daṇḍaṃ paṇetū’ti.	May Your Majesty punish them!’
Tamenaṃ rājā evaṃ vadeyya:	The king would say:
‘gacchatha, bho, imaṃ purisaṃ daḷhāya rajjuyā pacchābāhaṃ gāḷhabandhanaṃ bandhitvā khuramuṇḍaṃ karitvā kharassarena paṇavena rathikāya rathikaṃ siṅghāṭakena siṅghāṭakaṃ parinetvā dakkhiṇena dvārena nikkhāmetvā dakkhiṇato nagarassa sīsaṃ chindathā’ti.	‘Go, my men, and tie this man’s arms tightly behind his back with a strong rope. Shave his head and march him from street to street and square to square to the beating of a harsh drum. Then take him out the south gate and there, to the south of the city, chop off his head.’
Tamenaṃ rañño purisā daḷhāya rajjuyā pacchābāhaṃ gāḷhabandhanaṃ bandhitvā khuramuṇḍaṃ karitvā kharassarena paṇavena rathikāya rathikaṃ siṅghāṭakena siṅghāṭakaṃ parinetvā dakkhiṇena dvārena nikkhāmetvā dakkhiṇato nagarassa sīsaṃ chindeyyuṃ.	The king’s men would do as they were told.
Tatraññatarassa thalaṭṭhassa purisassa evamassa:	Then a bystander might think:
‘pāpakaṃ vata, bho, ayaṃ puriso kammaṃ akāsi gārayhaṃ sīsacchejjaṃ.	‘This man must have done a truly bad and reprehensible deed, a capital offense.
Yatra hi nāma rañño purisā daḷhāya rajjuyā pacchābāhaṃ gāḷhabandhanaṃ bandhitvā khuramuṇḍaṃ karitvā kharassarena paṇavena rathikāya rathikaṃ siṅghāṭakena siṅghāṭakaṃ parinetvā dakkhiṇena dvārena nikkhāmetvā dakkhiṇato nagarassa sīsaṃ chindissanti.
So vatassāhaṃ evarūpaṃ pāpakammaṃ na kareyyaṃ gārayhaṃ sīsacchejjan’ti.	There’s no way I’d ever do such a bad and reprehensible deed, a capital offense.’
Evamevaṃ kho, bhikkhave, yassa kassaci bhikkhussa vā bhikkhuniyā vā evaṃ tibbā bhayasaññā paccupaṭṭhitā hoti pārājikesu dhammesu.	In the same way, take any monk or nun who has set up such an acute perception of peril regarding expulsion offenses.
Tassetaṃ pāṭikaṅkhaṃ—anāpanno vā pārājikaṃ dhammaṃ na āpajjissati, āpanno vā pārājikaṃ dhammaṃ yathādhammaṃ paṭikarissati.	It can be expected that if they haven’t committed an expulsion offense they won’t, and if they committed one they will deal with it properly.


Seyyathāpi, bhikkhave, puriso kāḷavatthaṃ paridhāya kese pakiritvā musalaṃ khandhe āropetvā mahājanakāyaṃ upasaṅkamitvā evaṃ vadeyya:	Suppose a man was to put on a black cloth, mess up his hair, and put a club on his shoulder. Then he approaches a large crowd and says:
‘ahaṃ, bhante, pāpakammaṃ akāsiṃ gārayhaṃ mosallaṃ, yena me āyasmanto attamanā honti taṃ karomī’ti.	‘Sirs, I’ve done a bad and reprehensible deed, deserving of clubbing. I submit to your pleasure.’
Tatraññatarassa thalaṭṭhassa purisassa evamassa:	Then a bystander might think:
‘pāpakaṃ vata, bho, ayaṃ puriso kammaṃ akāsi gārayhaṃ mosallaṃ.	‘This man must have done a truly bad and reprehensible deed, deserving of clubbing. …
Yatra hi nāma kāḷavatthaṃ paridhāya kese pakiritvā musalaṃ khandhe āropetvā mahājanakāyaṃ upasaṅkamitvā evaṃ vakkhati:
“ahaṃ, bhante, pāpakammaṃ akāsiṃ gārayhaṃ mosallaṃ, yena me āyasmanto attamanā honti taṃ karomī”ti.
So vatassāhaṃ evarūpaṃ pāpakammaṃ na kareyyaṃ gārayhaṃ mosallan’ti.	There’s no way I’d ever do such a bad and reprehensible deed, deserving of clubbing.’
Evamevaṃ kho, bhikkhave, yassa kassaci bhikkhussa vā bhikkhuniyā vā evaṃ tibbā bhayasaññā paccupaṭṭhitā hoti saṃghādisesesu dhammesu, tassetaṃ pāṭikaṅkhaṃ—anāpanno vā saṃghādisesaṃ dhammaṃ na āpajjissati, āpanno vā saṃghādisesaṃ dhammaṃ yathādhammaṃ paṭikarissati.	In the same way, take any monk or nun who has set up such an acute perception of peril regarding suspension offenses. It can be expected that if they haven’t committed a suspension offense they won’t, and if they committed one they will deal with it properly.


Seyyathāpi, bhikkhave, puriso kāḷavatthaṃ paridhāya kese pakiritvā bhasmapuṭaṃ khandhe āropetvā mahājanakāyaṃ upasaṅkamitvā evaṃ vadeyya:	Suppose a man was to put on a black cloth, mess up his hair, and put a sack of ashes on his shoulder. Then he approaches a large crowd and says:
‘ahaṃ, bhante, pāpakammaṃ akāsiṃ gārayhaṃ bhasmapuṭaṃ.	‘Sirs, I’ve done a bad and reprehensible deed, deserving of a sack of ashes.
Yena me āyasmanto attamanā honti taṃ karomī’ti.	I submit to your pleasure.’
Tatraññatarassa thalaṭṭhassa purisassa evamassa:	Then a bystander might think:
‘pāpakaṃ vata, bho, ayaṃ puriso kammaṃ akāsi gārayhaṃ bhasmapuṭaṃ.	‘This man must have done a truly bad and reprehensible deed, deserving of a sack of ashes. …
Yatra hi nāma kāḷavatthaṃ paridhāya kese pakiritvā bhasmapuṭaṃ khandhe āropetvā mahājanakāyaṃ upasaṅkamitvā evaṃ vakkhati:
“ahaṃ, bhante, pāpakammaṃ akāsiṃ gārayhaṃ bhasmapuṭaṃ;
yena me āyasmanto attamanā honti taṃ karomī”ti.
So vatassāhaṃ evarūpaṃ pāpakammaṃ na kareyyaṃ gārayhaṃ bhasmapuṭan’ti.	There’s no way I’d ever do such a bad and reprehensible deed, deserving of a sack of ashes.’
Evamevaṃ kho, bhikkhave, yassa kassaci bhikkhussa vā bhikkhuniyā vā evaṃ tibbā bhayasaññā paccupaṭṭhitā hoti pācittiyesu dhammesu, tassetaṃ pāṭikaṅkhaṃ—anāpanno vā pācittiyaṃ dhammaṃ na āpajjissati, āpanno vā pācittiyaṃ dhammaṃ yathādhammaṃ paṭikarissati.	In the same way, take any monk or nun who has set up such an acute perception of peril regarding redemption offenses. It can be expected that if they haven’t committed a redemption offense they won’t, and if they committed one they will deal with it properly.


Seyyathāpi, bhikkhave, puriso kāḷavatthaṃ paridhāya kese pakiritvā mahājanakāyaṃ upasaṅkamitvā evaṃ vadeyya:	Suppose a man was to put on a black cloth and mess up his hair. Then he approaches a large crowd and says:
‘ahaṃ, bhante, pāpakammaṃ akāsiṃ gārayhaṃ upavajjaṃ.	‘Sirs, I’ve done a bad and reprehensible deed, deserving of criticism.
Yena me āyasmanto attamanā honti taṃ karomī’ti.	I submit to your pleasure.’
Tatraññatarassa thalaṭṭhassa purisassa evamassa:	Then a bystander might think:
‘pāpakaṃ vata, bho, ayaṃ puriso kammaṃ akāsi gārayhaṃ upavajjaṃ.	‘This man must have done a truly bad and reprehensible deed, deserving of criticism. …
Yatra hi nāma kāḷavatthaṃ paridhāya kese pakiritvā mahājanakāyaṃ upasaṅkamitvā evaṃ vakkhati:
“ahaṃ, bhante, pāpakammaṃ akāsiṃ gārayhaṃ upavajjaṃ;
yena me āyasmanto attamanā honti taṃ karomī”ti.
So vatassāhaṃ evarūpaṃ pāpakammaṃ na kareyyaṃ gārayhaṃ upavajjan’ti.	There’s no way I’d ever do such a bad and reprehensible deed, deserving of criticism.’
Evamevaṃ kho, bhikkhave, yassa kassaci bhikkhussa vā bhikkhuniyā vā evaṃ tibbā bhayasaññā paccupaṭṭhitā hoti pāṭidesanīyesu dhammesu, tassetaṃ pāṭikaṅkhaṃ—anāpanno vā pāṭidesanīyaṃ dhammaṃ na āpajjissati, āpanno vā pāṭidesanīyaṃ dhammaṃ yathādhammaṃ paṭikarissati.	In the same way, take any monk or nun who has set up such an acute perception of peril regarding confession offenses. It can be expected that if they haven’t committed a confession offense they won’t, and if they committed one they will deal with it properly.
Imāni kho, bhikkhave, cattāri āpattibhayānī”ti.	These are the four perils of offenses.”

245. The Benefits of Training (⤴)


245. Sikkhānisaṃsasutta	245. The Benefits of Training
“Sikkhānisaṃsamidaṃ, bhikkhave, brahmacariyaṃ vussati paññuttaraṃ vimuttisāraṃ satādhipateyyaṃ.	“monks, living this spiritual life is benefited by training and overseen by wisdom; freedom is its heart, and rememberfulness is in charge.
Kathañca, bhikkhave, sikkhānisaṃsaṃ hoti?	And how is it benefited by training?
Idha, bhikkhave, mayā sāvakānaṃ ābhisamācārikā sikkhā paññattā appasannānaṃ pasādāya pasannānaṃ bhiyyobhāvāya.	Firstly, I laid down for my disciples the training that deals with supplementary regulations in order to inspire confidence in those without it and to increase confidence in those who have it.
Yathā yathā, bhikkhave, mayā sāvakānaṃ ābhisamācārikā sikkhā paññattā appasannānaṃ pasādāya pasannānaṃ bhiyyobhāvāya tathā tathā so tassā sikkhāya akhaṇḍakārī hoti acchiddakārī asabalakārī akammāsakārī, samādāya sikkhati sikkhāpadesu.	They undertake whatever supplementary regulations I have laid down, keeping them uncorrupted, unflawed, unblemished, and untainted.


Puna caparaṃ, bhikkhave, mayā sāvakānaṃ ādibrahmacariyikā sikkhā paññattā sabbaso sammā dukkhakkhayāya.	Furthermore, I laid down for my disciples the training that deals with the fundamentals of the spiritual life in order to rightly end suffering in every way.
Yathā yathā, bhikkhave, mayā sāvakānaṃ ādibrahmacariyikā sikkhā paññattā sabbaso sammā dukkhakkhayāya tathā tathā so tassā sikkhāya akhaṇḍakārī hoti acchiddakārī asabalakārī akammāsakārī, samādāya sikkhati sikkhāpadesu.	They undertake whatever training that deals with the fundamentals of the spiritual life I have laid down, keeping it uncorrupted, unflawed, unblemished, and untainted.
Evaṃ kho, bhikkhave, sikkhānisaṃsaṃ hoti.	That’s how it’s benefited by training.


Kathañca, bhikkhave, paññuttaraṃ hoti?	And how is it overseen by wisdom?
Idha, bhikkhave, mayā sāvakānaṃ dhammā desitā sabbaso sammā dukkhakkhayāya.	I taught the Dhamma to my disciples in order to rightly end suffering in every way.
Yathā yathā, bhikkhave, mayā sāvakānaṃ dhammā desitā sabbaso sammā dukkhakkhayāya tathā tathāssa te dhammā paññāya samavekkhitā honti.	They examine with wisdom any teachings I taught them.
Evaṃ kho, bhikkhave, paññuttaraṃ hoti.	That’s how it’s overseen by wisdom.


Kathañca, bhikkhave, vimuttisāraṃ hoti?	And how does it have freedom at its heart?
Idha, bhikkhave, mayā sāvakānaṃ dhammā desitā sabbaso sammā dukkhakkhayāya.	I taught the Dhamma to my disciples in order to rightly end suffering in every way.
Yathā yathā, bhikkhave, mayā sāvakānaṃ dhammā desitā sabbaso sammā dukkhakkhayāya tathā tathāssa te dhammā vimuttiyā phusitā honti.	They experience through freedom any teachings I taught them.
Evaṃ kho, bhikkhave, vimuttisāraṃ hoti.	That’s how it has freedom at its heart.


Kathañca, bhikkhave, satādhipateyyaṃ hoti?	And how is rememberfulness in charge?
‘Iti aparipūraṃ vā ābhisamācārikaṃ sikkhaṃ paripūressāmi, paripūraṃ vā ābhisamācārikaṃ sikkhaṃ tattha tattha paññāya anuggahessāmī’ti—ajjhattaṃyeva sati sūpaṭṭhitā hoti.	rememberfulness is well established in oneself: ‘In this way I’ll fulfill the training dealing with supplementary regulations, or support with wisdom in every situation the training dealing with supplementary regulations I’ve already fulfilled.’
‘Iti aparipūraṃ vā ādibrahmacariyikaṃ sikkhaṃ paripūressāmi, paripūraṃ vā ādibrahmacariyikaṃ sikkhaṃ tattha tattha paññāya anuggahessāmī’ti—ajjhattaṃyeva sati sūpaṭṭhitā hoti.	rememberfulness is well established in oneself: ‘In this way I’ll fulfill the training dealing with the fundamentals of the spiritual life, or support with wisdom in every situation the training dealing with the fundamentals of the spiritual life I’ve already fulfilled.’
‘Iti asamavekkhitaṃ vā dhammaṃ paññāya samavekkhissāmi, samavekkhitaṃ vā dhammaṃ tattha tattha paññāya anuggahessāmī’ti—ajjhattaṃyeva sati sūpaṭṭhitā hoti.	rememberfulness is well established in oneself: ‘In this way I’ll examine with wisdom the teaching that I haven’t yet examined, or support with wisdom in every situation the teaching I’ve already examined.’
‘Iti aphusitaṃ vā dhammaṃ vimuttiyā phusissāmi, phusitaṃ vā dhammaṃ tattha tattha paññāya anuggahessāmī’ti—ajjhattaṃyeva sati sūpaṭṭhitā hoti.	rememberfulness is well established in oneself: ‘In this way I’ll experience through freedom the teaching that I haven’t yet experienced, or support with wisdom in every situation the teaching I’ve already experienced.’
Evaṃ kho, bhikkhave, satādhipateyyaṃ hoti.	That’s how rememberfulness is in charge.
‘Sikkhānisaṃsamidaṃ, bhikkhave, brahmacariyaṃ vussati paññuttaraṃ vimuttisāraṃ satādhipateyyan’ti,	‘Living this spiritual life is benefited by training and overseen by wisdom; freedom is its heart, and rememberfulness is in charge.’
iti yaṃ taṃ vuttaṃ idametaṃ paṭicca vuttan”ti.	That’s what I said, and this is why I said it.”

246. Lying Postures (⤴)


246. Seyyāsutta	246. Lying Postures
“Catasso imā, bhikkhave, seyyā.	“monks, there are these four ways of lying down.
Katamā catasso?	What four?
Petaseyyā, kāmabhogiseyyā, sīhaseyyā, tathāgataseyyā.	The ways a corpse, a pleasure seeker, a lion, and a Realized One lie down.
Katamā ca, bhikkhave, petaseyyā?	And how does a corpse lie down?
Yebhuyyena, bhikkhave, petā uttānā senti;	Corpses usually lie flat on their backs.
ayaṃ vuccati, bhikkhave, petaseyyā.	This is called the way a corpse lies down.


Katamā ca, bhikkhave, kāmabhogiseyyā?	And how does a pleasure seeker lie down?
Yebhuyyena, bhikkhave, kāmabhogī vāmena passena senti;	Pleasure seekers usually lie down on their left side.
ayaṃ vuccati, bhikkhave, kāmabhogiseyyā.	This is called the way a pleasure seeker lies down.


Katamā ca, bhikkhave, sīhaseyyā?	And how does a lion lie down?
Sīho, bhikkhave, migarājā dakkhiṇena passena seyyaṃ kappeti, pāde pādaṃ accādhāya, antarasatthimhi naṅguṭṭhaṃ anupakkhipitvā.	The lion, king of beasts, lies down on the right side, placing one foot on top of the other, with his tail tucked between his thighs.
So paṭibujjhitvā purimaṃ kāyaṃ abbhunnāmetvā pacchimaṃ kāyaṃ anuviloketi.	When he wakes, he lifts his front quarters and checks his hind quarters.
Sace, bhikkhave, sīho migarājā kiñci passati kāyassa vikkhittaṃ vā visaṭaṃ vā, tena, bhikkhave, sīho migarājā anattamano hoti.	If he sees that any part of his body is disordered or displaced, he is displeased.
Sace pana, bhikkhave, sīho migarājā na kiñci passati kāyassa vikkhittaṃ vā visaṭaṃ vā, tena, bhikkhave, sīho migarājā attamano hoti.	But if he sees that no part of his body is disordered or displaced, he is pleased.
Ayaṃ vuccati, bhikkhave, sīhaseyyā.	This is called the way a lion lies down.


Katamā ca, bhikkhave, tathāgataseyyā?	And how does a Realized One lie down?
Idha, bhikkhave, tathāgato vivicceva kāmehi … pe … catutthaṃ jhānaṃ upasampajja viharati.	It’s when a Realized One, quite secluded from sensual pleasures, secluded from unskillful qualities, enters and remains in the first jhāna … second jhāna … third jhāna … fourth jhāna.
Ayaṃ vuccati, bhikkhave, tathāgataseyyā.	This is called the way a Realized One lies down.
Imā kho, bhikkhave, catasso seyyā”ti.	These are the four ways of lying down.”

247. Worthy of a Monument (⤴)


247. Thūpārahasutta	247. Worthy of a Monument
“Cattārome, bhikkhave, thūpārahā.	“monks, these four are worthy of a monument.
Katame cattāro?	What four?
Tathāgato arahaṃ sammāsambuddho thūpāraho, paccekabuddho thūpāraho, tathāgatasāvako thūpāraho, rājā cakkavattī thūpāraho—	A Realized One, a perfected one, a fully awakened Buddha; a Buddha awakened for themselves; a disciple of a Realized One; and a wheel-turning monarch.
ime kho, bhikkhave, cattāro thūpārahā”ti.	These four are worthy of a monument.”

248. The Growth of Wisdom (⤴)


248. Paññāvuddhisutta	248. The Growth of Wisdom
“Cattārome, bhikkhave, dhammā paññāvuddhiyā saṃvattanti.	“monks, these four things lead to the growth of wisdom.
Katame cattāro?	What four?
Sappurisasaṃsevo, saddhammasavanaṃ, yonisomanasikāro, dhammānudhammappaṭipatti—	Associating with good people, listening to the true teaching, proper attention, and practicing in line with the teaching.
ime kho, bhikkhave, cattāro dhammā paññāvuddhiyā saṃvattantī”ti.	These four things lead to the growth of wisdom.”

249. Very Helpful (⤴)


249. Bahukārasutta	249. Very Helpful
“Cattārome, bhikkhave, dhammā manussabhūtassa bahukārā honti.	“monks, these four things are very helpful to a human being.
Katame cattāro?	What four?
Sappurisasaṃsevo, saddhammasavanaṃ, yonisomanasikāro, dhammānudhammappaṭipatti—	Associating with good people, listening to the true teaching, proper attention, and practicing in line with the teaching.
ime kho, bhikkhave, cattāro dhammā manussabhūtassa bahukārā hontī”ti.	These four things are very helpful to a human being.”

250. Expressions (1st) (⤴)


250. Paṭhamavohārasutta	250. Expressions (1st)
“Cattārome, bhikkhave, anariyavohārā.	“monks, there are these four ignoble expressions.
Katame cattāro?	What four?
Adiṭṭhe diṭṭhavāditā, asute sutavāditā, amute mutavāditā, aviññāte viññātavāditā—	Saying you’ve seen, heard, thought, or cognized something, but you haven’t.
ime kho, bhikkhave, cattāro anariyavohārā”ti.	These are the four ignoble expressions.”

251. Expressions (2nd) (⤴)


251. Dutiyavohārasutta	251. Expressions (2nd)
“Cattārome, bhikkhave, ariyavohārā.	“monks, there are these four noble expressions.
Katame cattāro?	What four?
Adiṭṭhe adiṭṭhavāditā, asute asutavāditā, amute amutavāditā, aviññāte aviññātavāditā—	Saying you haven’t seen, heard, thought, or cognized something, and you haven’t.
ime kho, bhikkhave, cattāro ariyavohārā”ti.	These are the four noble expressions.”

252. Expressions (3rd) (⤴)


252. Tatiyavohārasutta	252. Expressions (3rd)
“Cattārome, bhikkhave, anariyavohārā.	“monks, there are these four ignoble expressions.
Katame cattāro?	What four?
Diṭṭhe adiṭṭhavāditā, sute asutavāditā, mute amutavāditā, viññāte aviññātavāditā—	Saying you haven’t seen, heard, thought, or cognized something, and you have.
ime kho, bhikkhave, cattāro anariyavohārā”ti.	These are the four ignoble expressions.”

253. Expressions (4th) (⤴)


253. Catutthavohārasutta	253. Expressions (4th)
“Cattārome, bhikkhave, ariyavohārā.	“monks, there are these four noble expressions.
Katame cattāro?	What four?
Diṭṭhe diṭṭhavāditā, sute sutavāditā, mute mutavāditā, viññāte viññātavāditā—	Saying you’ve seen, heard, thought, or cognized something, and you have.
ime kho, bhikkhave, cattāro ariyavohārā”ti.	These are the four noble expressions.”

AN 4 vagga 26. Insight 26. Abhiññāvagga

254. Insight (⤴)


254. Abhiññāsutta	254. Insight
“Cattārome, bhikkhave, dhammā.	monks, there are these four things.
Katame cattāro?	What four?
Atthi, bhikkhave, dhammā abhiññā pariññeyyā;	There are things that should be completely understood by direct knowledge.
atthi, bhikkhave, dhammā abhiññā pahātabbā;	There are things that should be given up by direct knowledge.
atthi, bhikkhave, dhammā abhiññā bhāvetabbā;	There are things that should be developed by direct knowledge.
atthi, bhikkhave, dhammā abhiññā sacchikātabbā.	There are things that should be realized by direct knowledge.


Katame ca, bhikkhave, dhammā abhiññā pariññeyyā?	And what are the things that should be completely understood by direct knowledge?
Pañcupādānakkhandhā—	The five grasping aggregates.
ime vuccanti, bhikkhave, dhammā abhiññā pariññeyyā.	These are called the things that should be completely understood by direct knowledge.


Katame ca, bhikkhave, dhammā abhiññā pahātabbā?	And what are the things that should be given up by direct knowledge?
Avijjā ca bhavataṇhā ca—	Ignorance and craving for continued existence.
ime vuccanti, bhikkhave, dhammā abhiññā pahātabbā.	These are called the things that should be given up by direct knowledge.


Katame ca, bhikkhave, dhammā abhiññā bhāvetabbā?	And what are the things that should be developed by direct knowledge?
Samatho ca vipassanā ca—	Serenity and discernment.
ime vuccanti, bhikkhave, dhammā abhiññā bhāvetabbā.	These are called the things that should be developed by direct knowledge.


Katame ca, bhikkhave, dhammā abhiññā sacchikātabbā?	And what are the things that should be realized by direct knowledge?
Vijjā ca vimutti ca—	Knowledge and freedom.
ime vuccanti, bhikkhave, dhammā abhiññā sacchikātabbā.	These are called the things that should be realized by direct knowledge.
Ime kho, bhikkhave, cattāro dhammā”ti.	These are the four things.”

255. Searches (⤴)


255. Pariyesanāsutta	255. Searches
“Catasso imā, bhikkhave, anariyapariyesanā.	“monks, there are these four ignoble searches.
Katamā catasso?	What four?
Idha, bhikkhave, ekacco attanā jarādhammo samāno jarādhammaṃyeva pariyesati;	Someone liable to grow old searches only for what grows old.
attanā byādhidhammo samāno byādhidhammaṃyeva pariyesati;	Someone liable to sickness searches only for what gets sick.
attanā maraṇadhammo samāno maraṇadhammaṃyeva pariyesati;	Someone liable to death searches only for what dies.
attanā saṅkilesadhammo samāno saṅkilesadhammaṃyeva pariyesati.	Someone whose nature is defiled searches only for what is defiled.
Imā kho, bhikkhave, catasso anariyapariyesanā.	These are the four ignoble searches.


Catasso imā, bhikkhave, ariyapariyesanā.	There are these four noble searches.
Katamā catasso?	What four?
Idha, bhikkhave, ekacco attanā jarādhammo samāno jarādhamme ādīnavaṃ viditvā ajaraṃ anuttaraṃ yogakkhemaṃ nibbānaṃ pariyesati;	Someone who is liable to grow old, knowing the drawback in what grows old, searches for the unaging supreme sanctuary, nirvana.
attanā byādhidhammo samāno byādhidhamme ādīnavaṃ viditvā abyādhiṃ anuttaraṃ yogakkhemaṃ nibbānaṃ pariyesati;	Someone who is liable to get sick, knowing the drawback in what gets sick, searches for the sickness-free supreme sanctuary, nirvana.
attanā maraṇadhammo samāno maraṇadhamme ādīnavaṃ viditvā amataṃ anuttaraṃ yogakkhemaṃ nibbānaṃ pariyesati;	Someone who is liable to die, knowing the drawback in what dies, searches for the deathless supreme sanctuary, nirvana.
attanā saṅkilesadhammo samāno saṅkilesadhamme ādīnavaṃ viditvā asaṅkiliṭṭhaṃ anuttaraṃ yogakkhemaṃ nibbānaṃ pariyesati.	Someone whose nature is defiled, knowing the drawback in what is defiled, searches for the undefiled supreme sanctuary, nirvana.
Imā kho, bhikkhave, catasso ariyapariyesanā”ti.	These are the four noble searches.”

256. Ways of Being Inclusive (⤴)


256. Saṅgahavatthusutta	256. Ways of Being Inclusive
“Cattārimāni, bhikkhave, saṅgahavatthūni.	“monks, there are these four ways of being inclusive.
Katamāni cattāri?	What four?
Dānaṃ, peyyavajjaṃ, atthacariyā, samānattatā—	Giving, kind speech, taking care, and equality.
imāni kho, bhikkhave, cattāri saṅgahavatthūnī”ti.	These are the four ways of being inclusive.”

257. With Māluṅkyaputta (⤴)


257. Mālukyaputtasutta	257. With Māluṅkyaputta
Atha kho āyasmā mālukyaputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā mālukyaputto bhagavantaṃ etadavoca:	Then Venerable Māluṅkyaputta went up to the Buddha, bowed, sat down to one side, and said to him:


“Sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyyan”ti.	“Sir, may the Buddha please teach me Dhamma in brief. When I’ve heard it, I’ll live alone, withdrawn, diligent, keen, and resolute.”
“Ettha idāni, mālukyaputta, kiṃ dahare bhikkhū vakkhāma;	“Well now, Māluṅkyaputta, what are we to say to the young monks,
yatra hi nāma tvaṃ jiṇṇo vuddho mahallako tathāgatassa saṃkhittena ovādaṃ yācasī”ti.	when even an old man like you, elderly and senior, asks the Realized One for brief advice?”
“Desetu me, bhante, bhagavā saṃkhittena dhammaṃ; desetu sugato saṃkhittena dhammaṃ. Appeva nāmāhaṃ bhagavato bhāsitassa atthaṃ ājāneyyaṃ; appeva nāmāhaṃ bhagavato bhāsitassa dāyādo assan”ti.	“Sir, may the Buddha teach me the Dhamma in brief! May the Holy One teach me the Dhamma in brief! Hopefully I can understand the meaning of what the Buddha says! Hopefully I can be an heir of the Buddha’s teaching!”


“Cattārome, mālukyaputta, taṇhuppādā yattha bhikkhuno taṇhā uppajjamānā uppajjati.	“Māluṅkyaputta, there are four things that give rise to craving in a monk.
Katame cattāro?	What four?
Cīvarahetu vā, mālukyaputta, bhikkhuno taṇhā uppajjamānā uppajjati.	For the sake of robes,
Piṇḍapātahetu vā, mālukyaputta, bhikkhuno taṇhā uppajjamānā uppajjati.	alms-food,
Senāsanahetu vā, mālukyaputta, bhikkhuno taṇhā uppajjamānā uppajjati.	lodgings,
Itibhavābhavahetu vā, mālukyaputta, bhikkhuno taṇhā uppajjamānā uppajjati.	or rebirth in this or that state.
Ime kho, mālukyaputta, cattāro taṇhuppādā yattha bhikkhuno taṇhā uppajjamānā uppajjati.	These are the four things that give rise to craving in a monk.
Yato kho, mālukyaputta, bhikkhuno taṇhā pahīnā hoti ucchinnamūlā tālāvatthukatā anabhāvaṅkatā āyatiṃ anuppādadhammā, ayaṃ vuccati, mālukyaputta, ‘bhikkhu acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’”ti.	That craving is given up by a monk, cut off at the root, made like a palm stump, obliterated, and unable to arise in the future. Then they’re called a monk who has cut off craving, untied the fetters, and by rightly comprehending conceit has made an end of suffering.”


Atha kho āyasmā mālukyaputto bhagavatā iminā ovādena ovadito uṭṭhāyāsanā bhagavantaṃ abhivādetvā padakkhiṇaṃ katvā pakkāmi.	When Māluṅkyaputta had been given this advice by the Buddha, he got up from his seat, bowed, and respectfully circled the Buddha, keeping him on his right, before leaving.
Atha kho āyasmā mālukyaputto eko vūpakaṭṭho appamatto ātāpī pahitatto viharanto nacirasseva—yassatthāya kulaputtā sammadeva agārasmā anagāriyaṃ pabbajanti, tadanuttaraṃ—brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi.	Then Māluṅkyaputta, living alone, withdrawn, diligent, keen, and resolute, soon realized the supreme culmination of the spiritual path in this very life. He lived having achieved with his own insight the goal for which people from good families rightly go forth from the lay life to homelessness.
“Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā”ti abbhaññāsi.	He understood: “Rebirth is ended; the spiritual journey has been completed; what had to be done has been done; there is no return to any state of existence.”
Aññataro ca panāyasmā mālukyaputto arahataṃ ahosīti.	And Venerable Māluṅkyaputta became one of the perfected.

258. Families (⤴)


258. Kulasutta	258. Families
“Yāni kānici, bhikkhave, kulāni bhogesu mahattaṃ pattāni na ciraṭṭhitikāni bhavanti, sabbāni tāni catūhi ṭhānehi, etesaṃ vā aññatarena.	“monks, when families don’t stay wealthy for long, it’s always for one or more of these four reasons.
Katamehi catūhi?	What four?
Naṭṭhaṃ na gavesanti, jiṇṇaṃ na paṭisaṅkharonti, aparimitapānabhojanā honti, dussīlaṃ itthiṃ vā purisaṃ vā ādhipacce ṭhapenti.	They don’t look for what’s lost; they don’t fix old things; they eat and drink too much; or they put an unethical woman or man in charge.
Yāni kānici, bhikkhave, kulāni bhogesu mahattaṃ pattāni na ciraṭṭhitikāni bhavanti, sabbāni tāni imehi catūhi ṭhānehi, etesaṃ vā aññatarena.	When families don’t stay wealthy for long, it’s always for one or more of these four reasons.


Yāni kānici, bhikkhave, kulāni bhogesu mahattaṃ pattāni ciraṭṭhitikāni bhavanti, sabbāni tāni catūhi ṭhānehi, etesaṃ vā aññatarena.	When families do stay wealthy for long, it’s always for one or more of these four reasons.
Katamehi catūhi?	What four?
Naṭṭhaṃ gavesanti, jiṇṇaṃ paṭisaṅkharonti, parimitapānabhojanā honti, sīlavantaṃ itthiṃ vā purisaṃ vā ādhipacce ṭhapenti.	They look for what’s lost; they fix old things; they eat and drink in moderation; and they put an ethical woman or man in charge.
Yāni kānici, bhikkhave, kulāni bhogesu mahattaṃ pattāni ciraṭṭhitikāni bhavanti, sabbāni tāni imehi catūhi ṭhānehi, etesaṃ vā aññatarenā”ti.	When families do stay wealthy for long, it’s always for one or more of these four reasons.”

259. A Thoroughbred (1st) (⤴)


259. Paṭhamaājānīyasutta	259. A Thoroughbred (1st)
“Catūhi, bhikkhave, aṅgehi samannāgato rañño bhadro assājānīyo rājāraho hoti rājabhoggo, rañño aṅganteva saṅkhaṃ gacchati.	“monks, a fine royal thoroughbred with four factors is worthy of a king, fit to serve a king, and considered a factor of kingship.
Katamehi catūhi?	What four?
Idha, bhikkhave, rañño bhadro assājānīyo vaṇṇasampanno ca hoti balasampanno ca javasampanno ca ārohapariṇāhasampanno ca.	It’s when a fine royal thoroughbred is beautiful, strong, fast, and well-proportioned.
Imehi kho, bhikkhave, catūhi aṅgehi samannāgato rañño bhadro assājānīyo rājāraho hoti rājabhoggo, rañño aṅganteva saṅkhaṃ gacchati.	A fine royal thoroughbred with these four factors is worthy of a king. …


Evamevaṃ kho, bhikkhave, catūhi dhammehi samannāgato bhikkhu āhuneyyo hoti … pe … anuttaraṃ puññakkhettaṃ lokassa.	In the same way, a monk with four factors is worthy of offerings dedicated to the gods, worthy of hospitality, worthy of a teacher’s offering, worthy of veneration with joined palms, and is the supreme field of merit for the world.
Katamehi catūhi?	What four?
Idha, bhikkhave, bhikkhu vaṇṇasampanno ca hoti balasampanno ca javasampanno ca ārohapariṇāhasampanno ca.	It’s when a monk is beautiful, strong, fast, and well proportioned.


Kathañca, bhikkhave, bhikkhu vaṇṇasampanno hoti?	And how is a monk beautiful?
Idha, bhikkhave, bhikkhu sīlavā hoti … pe … samādāya sikkhati sikkhāpadesu.	It’s when a monk is ethical, restrained in the code of conduct, and has appropriate behavior and means of collecting alms. Seeing danger in the slightest flaw, they keep the rules they’ve undertaken.
Evaṃ kho, bhikkhave, bhikkhu vaṇṇasampanno hoti.	That’s how a monk is beautiful.


Kathañca, bhikkhave, bhikkhu balasampanno hoti?	And how is a monk strong?
Idha, bhikkhave, bhikkhu āraddhavīriyo viharati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu.	It’s when a monk lives with energy roused up for giving up unskillful qualities and gaining skillful qualities. They are strong, staunchly vigorous, not slacking off when it comes to developing skillful qualities.
Evaṃ kho, bhikkhave, bhikkhu balasampanno hoti.	That’s how a monk is strong.


Kathañca, bhikkhave, bhikkhu javasampanno hoti?	And how is a monk fast?
Idha, bhikkhave, bhikkhu ‘idaṃ dukkhan’ti yathābhūtaṃ pajānāti … pe … ‘ayaṃ dukkhanirodhagāminī paṭipadā’ti yathābhūtaṃ pajānāti.	It’s when they truly understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.
Evaṃ kho, bhikkhave, bhikkhu javasampanno hoti.	That’s how a monk is fast.


Kathañca, bhikkhave, bhikkhu ārohapariṇāhasampanno hoti?	And how is a monk well proportioned?
Idha, bhikkhave, bhikkhu lābhī hoti cīvarapiṇḍapātasenāsanagilānapaccayabhesajjaparikkhārānaṃ.	It’s when a monk receives robes, alms-food, lodgings, and medicines and supplies for the sick.
Evaṃ kho, bhikkhave, bhikkhu ārohapariṇāhasampanno hoti.	That’s how a monk is well proportioned.


Imehi kho, bhikkhave, catūhi dhammehi samannāgato bhikkhu āhuneyyo hoti … pe … anuttaraṃ puññakkhettaṃ lokassā”ti.	A monk with these four factors … is the supreme field of merit for the world.”

260. A Thoroughbred (2nd) (⤴)


260. Dutiyaājānīyasutta	260. A Thoroughbred (2nd)
“Catūhi, bhikkhave, aṅgehi samannāgato rañño bhadro assājānīyo rājāraho hoti rājabhoggo, rañño aṅganteva saṅkhaṃ gacchati.	“monks, a fine royal thoroughbred with four factors is worthy of a king, fit to serve a king, and considered a factor of kingship.
Katamehi catūhi?	What four?
Idha, bhikkhave, rañño bhadro assājānīyo vaṇṇasampanno ca hoti, balasampanno ca, javasampanno ca, ārohapariṇāhasampanno ca.	It’s when a fine royal thoroughbred is beautiful, strong, fast, and well-proportioned.
Imehi kho, bhikkhave, catūhi aṅgehi samannāgato rañño bhadro assājānīyo rājāraho hoti rājabhoggo, rañño aṅganteva saṅkhaṃ gacchati.	A fine royal thoroughbred with these four factors is worthy of a king. …


Evamevaṃ kho, bhikkhave, catūhi dhammehi samannāgato bhikkhu āhuneyyo hoti … pe … anuttaraṃ puññakkhettaṃ lokassa.	In the same way, a monk with four factors is worthy of offerings dedicated to the gods, worthy of hospitality, worthy of a teacher’s offering, worthy of veneration with joined palms, and is the supreme field of merit for the world.
Katamehi catūhi?	What four?
Idha, bhikkhave, bhikkhu vaṇṇasampanno ca hoti, balasampanno ca, javasampanno ca, ārohapariṇāhasampanno ca.	It’s when a monk is beautiful, strong, fast, and well proportioned.


Kathañca, bhikkhave, bhikkhu vaṇṇasampanno hoti?	And how is a monk beautiful?
Idha, bhikkhave, bhikkhu sīlavā hoti … pe … samādāya sikkhati sikkhāpadesu.	It’s when a monk is ethical, restrained in the code of conduct, and has appropriate behavior and means of collecting alms. Seeing danger in the slightest flaw, they keep the rules they’ve undertaken.
Evaṃ kho, bhikkhave, bhikkhu vaṇṇasampanno hoti.	That’s how a monk is beautiful.


Kathañca, bhikkhave, bhikkhu balasampanno hoti?	And how is a monk strong?
Idha, bhikkhave, bhikkhu āraddhavīriyo viharati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu.	It’s when a monk lives with energy roused up for giving up unskillful qualities and gaining skillful qualities. They are strong, staunchly vigorous, not slacking off when it comes to developing skillful qualities.
Evaṃ kho, bhikkhave, bhikkhu balasampanno hoti.	That’s how a monk is strong.


Kathañca, bhikkhave, bhikkhu javasampanno hoti?	And how is a monk fast?
Idha, bhikkhave, bhikkhu āsavānaṃ khayā … pe … sacchikatvā upasampajja viharati.	It’s when a monk realizes the undefiled freedom of heart and freedom by wisdom in this very life. And they live having realized it with their own insight due to the ending of defilements.
Evaṃ kho, bhikkhave, bhikkhu javasampanno hoti.	That’s how a monk is fast.


Kathañca, bhikkhave, bhikkhu ārohapariṇāhasampanno hoti?	And how is a monk well proportioned?
Idha, bhikkhave, bhikkhu lābhī hoti cīvarapiṇḍapātasenāsanagilānapaccayabhesajjaparikkhārānaṃ.	It’s when a monk receives robes, alms-food, lodgings, and medicines and supplies for the sick.
Evaṃ kho, bhikkhave, bhikkhu ārohapariṇāhasampanno hoti.	That’s how a monk is well proportioned.


Imehi kho, bhikkhave, catūhi dhammehi samannāgato bhikkhu āhuneyyo hoti … pe … anuttaraṃ puññakkhettaṃ lokassā”ti.	A monk with these four factors … is the supreme field of merit for the world.”

261. Powers (⤴)


261. Balasutta	261. Powers
“Cattārimāni, bhikkhave, balāni.	“monks, there are these four powers.
Katamāni cattāri?	What four?
Vīriyabalaṃ, satibalaṃ, samādhibalaṃ, paññābalaṃ—	The powers of energy, rememberfulness, undistractible-lucidity, and wisdom.
imāni kho, bhikkhave, cattāri balānī”ti.	These are the four powers.”

262. Wilderness (⤴)


262. Araññasutta	262. Wilderness
“Catūhi, bhikkhave, dhammehi samannāgato bhikkhu nālaṃ araññavanapatthāni pantāni senāsanāni paṭisevituṃ.	“monks, when a monk has four qualities they’re not ready to frequent remote lodgings in the wilderness and the forest.
Katamehi catūhi?	What four?
Kāmavitakkena, byāpādavitakkena, vihiṃsāvitakkena, duppañño hoti jaḷo elamūgo—	They have sensual, malicious, and cruel thoughts; or they’re witless, dull, and stupid.
imehi kho, bhikkhave, catūhi dhammehi samannāgato bhikkhu nālaṃ araññavanapatthāni pantāni senāsanāni paṭisevituṃ.	When a monk has these four qualities they’re not ready to frequent remote lodgings in the wilderness and the forest.


Catūhi, bhikkhave, dhammehi samannāgato bhikkhu alaṃ araññavanapatthāni pantāni senāsanāni paṭisevituṃ.	When a monk has four qualities they’re ready to frequent remote lodgings in the wilderness and the forest.
Katamehi catūhi?	What four?
Nekkhammavitakkena, abyāpādavitakkena, avihiṃsāvitakkena, paññavā hoti ajaḷo anelamūgo—	They have thoughts of renunciation, love, and kindness; and they’re wise, bright, and intelligent.
imehi kho, bhikkhave, catūhi dhammehi samannāgato bhikkhu alaṃ araññavanapatthāni pantāni senāsanāni paṭisevitun”ti.	When a monk has these four qualities they’re ready to frequent remote lodgings in the wilderness and the forest.”

263. Deeds (⤴)


263. Kammasutta	263. Deeds
“Catūhi, bhikkhave, dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo viññūnaṃ, bahuñca apuññaṃ pasavati.	“When a foolish, incompetent bad person has four qualities they keep themselves broken and damaged. They deserve to be blamed and criticized by sensible people, and they make much bad karma.
Katamehi catūhi?	What four?
Sāvajjena kāyakammena, sāvajjena vacīkammena, sāvajjena manokammena, sāvajjāya diṭṭhiyā—	Blameworthy deeds by way of body, speech, and mind, and blameworthy view.
imehi kho, bhikkhave, catūhi dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo viññūnaṃ, bahuñca apuññaṃ pasavati.	When a foolish, incompetent bad person has these four qualities they keep themselves broken and damaged. They deserve to be blamed and criticized by sensible people, and they make much bad karma.


Catūhi, bhikkhave, dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo viññūnaṃ, bahuñca puññaṃ pasavati.	When an astute, competent good person has four qualities they keep themselves healthy and whole. They don’t deserve to be blamed and criticized by sensible people, and they make much merit.
Katamehi catūhi?	What four?
Anavajjena kāyakammena, anavajjena vacīkammena, anavajjena manokammena, anavajjāya diṭṭhiyā—	Blameless deeds by way of body, speech, and mind, and blameless view.
imehi kho, bhikkhave, catūhi dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo viññūnaṃ, bahuñca puññaṃ pasavatī”ti.	When an astute, competent good person has these four qualities they keep themselves healthy and whole. They don’t deserve to be blamed and criticized by sensible people, and they make much merit.”

AN 4 vagga 27. Ways of Performing Deeds 27. Kammapathavagga

264. Killing Living Creatures (⤴)


264. Pāṇātipātīsutta	264. Killing Living Creatures
“Catūhi, bhikkhave, dhammehi samannāgato yathābhataṃ nikkhitto evaṃ niraye.	“monks, someone with four qualities is cast down to hell.
Katamehi catūhi?	What four?
Attanā ca pāṇātipātī hoti, parañca pāṇātipāte samādapeti, pāṇātipāte ca samanuñño hoti, pāṇātipātassa ca vaṇṇaṃ bhāsati—	They themselves kill living creatures; they encourage others to kill living creatures; they approve of killing living creatures; and they praise killing living creatures.
imehi kho, bhikkhave, catūhi dhammehi samannāgato yathābhataṃ nikkhitto evaṃ niraye.	Someone with these four qualities is cast down to hell.


Catūhi, bhikkhave, dhammehi samannāgato yathābhataṃ nikkhitto evaṃ sagge.	Someone with four qualities is raised up to heaven.
Katamehi catūhi?	What four?
Attanā ca pāṇātipātā paṭivirato hoti, parañca pāṇātipātā veramaṇiyā samādapeti, pāṇātipātā veramaṇiyā ca samanuñño hoti, pāṇātipātā veramaṇiyā ca vaṇṇaṃ bhāsati—	They don’t themselves kill living creatures; they encourage others to not kill living creatures; they approve of not killing living creatures; and they praise not killing living creatures.
imehi kho, bhikkhave, catūhi dhammehi samannāgato yathābhataṃ nikkhitto evaṃ sagge”ti.	Someone with these four qualities is raised up to heaven.”

265. Stealing (⤴)


265. Adinnādāyīsutta	265. Stealing
“Catūhi, bhikkhave, dhammehi samannāgato yathābhataṃ nikkhitto evaṃ niraye.	“monks, someone with four qualities is cast down to hell.
Katamehi catūhi?	What four?
Attanā ca adinnādāyī hoti, parañca adinnādāne samādapeti, adinnādāne ca samanuñño hoti, adinnādānassa ca vaṇṇaṃ bhāsati—	They themselves steal …
imehi kho … pe ….	Someone with four qualities is raised up to heaven. …


Attanā ca adinnādānā paṭivirato hoti, parañca adinnādānā veramaṇiyā samādapeti, adinnādānā veramaṇiyā ca samanuñño hoti, adinnādānā veramaṇiyā ca vaṇṇaṃ bhāsati—imehi kho, bhikkhave … pe ….	They don’t themselves steal …

266. Misconduct (⤴)


266. Micchācārīsutta	266. Misconduct
… pe … Attanā ca kāmesumicchācārī hoti, parañca kāmesumicchācāre samādapeti, kāmesumicchācāre ca samanuñño hoti, kāmesumicchācārassa ca vaṇṇaṃ bhāsati—imehi kho … pe ….	… They themselves commit sexual misconduct …


Attanā ca kāmesumicchācārā paṭivirato hoti, parañca kāmesumicchācārā veramaṇiyā samādapeti, kāmesumicchācārā veramaṇiyā ca samanuñño hoti, kāmesumicchācārā veramaṇiyā ca vaṇṇaṃ bhāsati—imehi kho … pe ….	They themselves don’t commit sexual misconduct …

267. Lying (⤴)


267. Musāvādīsutta	267. Lying
… pe … Attanā ca musāvādī hoti, parañca musāvāde samādapeti, musāvāde ca samanuñño hoti, musāvādassa ca vaṇṇaṃ bhāsati—imehi kho … pe ….	… They themselves lie …


Attanā ca musāvādā paṭivirato hoti, parañca musāvādā veramaṇiyā samādapeti, musāvādā veramaṇiyā ca samanuñño hoti, musāvādā veramaṇiyā ca vaṇṇaṃ bhāsati—imehi … pe ….	… They themselves don’t lie …

268. Divisive Speech (⤴)


268. Pisuṇavācāsutta	268. Divisive Speech
… pe … Attanā ca pisuṇavāco hoti, parañca pisuṇāya vācāya samādapeti, pisuṇāya vācāya ca samanuñño hoti, pisuṇāya vācāya ca vaṇṇaṃ bhāsati—imehi … pe ….	… They themselves speak divisively …


Attanā ca pisuṇāya vācāya paṭivirato hoti, parañca pisuṇāya vācāya veramaṇiyā samādapeti, pisuṇāya vācāya veramaṇiyā ca samanuñño hoti, pisuṇāya vācāya veramaṇiyā ca vaṇṇaṃ bhāsati—imehi … pe ….	… They themselves don’t speak divisively …

269. Harsh Speech (⤴)


269. Pharusavācāsutta	269. Harsh Speech
… pe … Attanā ca pharusavāco hoti, parañca pharusāya vācāya samādapeti, pharusāya vācāya ca samanuñño hoti, pharusāya vācāya ca vaṇṇaṃ bhāsati … pe ….	… They themselves speak harshly …


Attanā ca pharusāya vācāya paṭivirato hoti, parañca pharusāya vācāya veramaṇiyā samādapeti, pharusāya vācāya veramaṇiyā ca samanuñño hoti, pharusāya vācāya veramaṇiyā ca vaṇṇaṃ bhāsati—imehi kho … pe ….	… They themselves don’t speak harshly …

270. Talking Nonsense (⤴)


270. Samphappalāpasutta	270. Talking Nonsense
… pe … Attanā ca samphappalāpī hoti, parañca samphappalāpe samādapeti, samphappalāpe ca samanuñño hoti, samphappalāpassa ca vaṇṇaṃ bhāsati—imehi … pe ….	… They themselves talk nonsense …


Attanā ca samphappalāpā paṭivirato hoti, parañca samphappalāpā veramaṇiyā samādapeti, samphappalāpā veramaṇiyā ca samanuñño hoti, samphappalāpā veramaṇiyā ca vaṇṇaṃ bhāsati—imehi kho, bhikkhave … pe ….	… They themselves don’t talk nonsense …

271. Covetousness (⤴)


271. Abhijjhālusutta	271. Covetousness
… pe … Attanā ca abhijjhālu hoti, parañca abhijjhāya samādapeti, abhijjhāya ca samanuñño hoti, abhijjhāya ca vaṇṇaṃ bhāsati … pe ….	… They themselves are covetous …


Attanā ca anabhijjhālu hoti, parañca anabhijjhāya samādapeti, anabhijjhāya ca samanuñño hoti, anabhijjhāya ca vaṇṇaṃ bhāsati—imehi kho … pe ….	… They themselves are content …

272. Ill Will (⤴)


272. Byāpannacittasutta	272. Ill Will
… pe … Attanā ca byāpannacitto hoti, parañca byāpāde samādapeti, byāpāde ca samanuñño hoti, byāpādassa ca vaṇṇaṃ bhāsati—imehi … pe ….	… They themselves have ill will …


Attanā ca abyāpannacitto hoti, parañca abyāpāde samādapeti, abyāpāde ca samanuñño hoti, abyāpādassa ca vaṇṇaṃ bhāsati—imehi … pe ….	… They themselves have good will …

273. Wrong View (⤴)


273. Micchādiṭṭhisutta	273. Wrong View
… pe … Attanā ca micchādiṭṭhiko hoti, parañca micchādiṭṭhiyā samādapeti, micchādiṭṭhiyā ca samanuñño hoti, micchādiṭṭhiyā ca vaṇṇaṃ bhāsati—imehi … pe ….	… They themselves have wrong view …


Attanā ca sammādiṭṭhiko hoti, parañca sammādiṭṭhiyā samādapeti, sammādiṭṭhiyā ca samanuñño hoti, sammādiṭṭhiyā ca vaṇṇaṃ bhāsati—	They themselves have right view; they encourage others to have right view; they approve of right view; and they praise right view.
imehi kho, bhikkhave, catūhi dhammehi samannāgato yathābhataṃ nikkhitto evaṃ saggeti.	Someone with these four qualities is raised up to heaven.”

AN 4 vagga 28. Abbreviated Texts Beginning with Greed 28. Rāgapeyyāla

274. rememberfulness Meditation (⤴)


274. Satipaṭṭhānasutta	274. rememberfulness Meditation
“Rāgassa, bhikkhave, abhiññāya cattāro dhammā bhāvetabbā.	“For insight into greed, four things should be developed.
Katame cattāro?	What four?
Idha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ;	Firstly, a monk meditates by observing an aspect of the body—keen, aware, and rememberful, rid of desire and aversion for the world.
vedanāsu … pe … citte … pe … dhammesu dhammānupassī viharati ātāpī sampajāno satimā vineyya loke abhijjhādomanassaṃ.	They meditate observing an aspect of feelings … mind … principles—keen, aware, and rememberful, rid of desire and aversion for the world.
Rāgassa, bhikkhave, abhiññāya ime cattāro dhammā bhāvetabbā”ti.	For insight into greed, these four things should be developed.”

275. Right Efforts (⤴)


275. Sammappadhānasutta	275. Right Efforts
“Rāgassa, bhikkhave, abhiññāya cattāro dhammā bhāvetabbā.	“For insight into greed, four things should be developed.
Katame cattāro?	What four?
Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati;	Firstly, a monk generates enthusiasm, tries, makes an effort, exerts the mind, and strives so that bad, unskillful qualities don’t arise.
uppannānaṃ pāpakānaṃ akusalānaṃ dhammānaṃ pahānāya … pe … anuppannānaṃ kusalānaṃ dhammānaṃ uppādāya … pe … uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati.	…so that unskillful qualities that have arisen are given up … so that skillful qualities arise … so that skillful qualities that have arisen remain, are not lost, but increase, mature, and are fulfilled by development.
Rāgassa, bhikkhave, abhiññāya ime cattāro dhammā bhāvetabbā”ti.	For insight into greed, these four things should be developed.”

276. Bases of Psychic Power (⤴)


276. Iddhipādasutta	276. Bases of Psychic Power
“Rāgassa, bhikkhave, abhiññāya cattāro dhammā bhāvetabbā.	“For insight into greed, four things should be developed.
Katame cattāro?	What four?
Idha, bhikkhave, bhikkhu chandasamādhipadhānasaṅkhārasamannāgataṃ iddhipādaṃ bhāveti;	It’s when a monk develops the basis of psychic power that has undistractible-lucidity due to enthusiasm, and active effort.
vīriyasamādhi … pe … cittasamādhi … pe … vīmaṃsāsamādhipadhānasaṅkhārasamannāgataṃ iddhipādaṃ bhāveti.	They develop the basis of psychic power that has undistractible-lucidity due to energy … mental development … inquiry, and active effort.
Rāgassa, bhikkhave, abhiññāya ime cattāro dhammā bhāvetabbā”ti.	For insight into greed, these four things should be developed.”





277–303. Pariññādisutta	277–303. Complete Understanding, Etc.
“Rāgassa, bhikkhave, pariññāya … pe … parikkhayāya … pahānāya … khayāya … vayāya … virāgāya … nirodhāya … cāgāya … paṭinissaggāya cattāro dhammā bhāvetabbā … pe ….	“For the complete understanding … finishing … giving up … ending … vanishing … fading away … cessation … giving away … letting go of greed, four things should be developed.”





304–783.	304–783.

“Bhikkhus, for direct knowledge … for full understanding … for the utter destruction … for the abandoning … for the destruction … for the vanishing … for the fading away … for the cessation … for the giving up … for the relinquishment of hatred … of delusion … of anger … of hostility … of denigration … of insolence … of envy … of miserliness … of deceitfulness … of craftiness … of obstinacy … of vehemence … of conceit … of arrogance … of intoxication … of heedlessness, these four things are to be developed. What four? (1) Here, a bhikkhu dwells contemplating the body in the body … (2) … feelings in feelings … (3) … mind in mind … (4) … phenomena in phenomena, ardent, clearly comprehending, mindful, having removed longing and dejection in regard to the world. (1) Here, a bhikkhu generates desire for the non-arising of unarisen bad unwholesome states … (2) … for the abandoning of arisen bad unwholesome states … (3) … for the arising of unarisen wholesome states … (4) … for the maintenance of arisen wholesome states, for their non-decline, increase, expansion, and fulfillment by development; he makes an effort, arouses energy, applies his mind, and strives. (1) Here, a bhikkhu develops the basis for psychic potency that possesses concentration due to desire … (2) … that possesses concentration due to energy … (3) … that possesses concentration due to mind … (4) … that possesses concentration due to investigation and activities of striving. For the relinquishment of heedlessness, these four things are to be developed.”	“Bhikkhus, for direct knowledge … for full understanding … for the utter destruction … for the abandoning … for the destruction … for the vanishing … for the fading away … for the cessation … for the giving up … for the relinquishment of hatred … of delusion … of anger … of hostility … of denigration … of insolence … of envy … of miserliness … of deceitfulness … of craftiness … of obstinacy … of vehemence … of conceit … of arrogance … of intoxication … of heedlessness, these four things are to be developed. What four? (1) Here, a bhikkhu dwells contemplating the body in the body … (2) … feelings in feelings … (3) … mind in mind … (4) … phenomena in phenomena, ardent, clearly comprehending, rememberful, having removed longing and dejection in regard to the world. (1) Here, a bhikkhu generates desire for the non-arising of unarisen bad unwholesome states … (2) … for the abandoning of arisen bad unwholesome states … (3) … for the arising of unarisen wholesome states … (4) … for the maintenance of arisen wholesome states, for their non-decline, increase, expansion, and fulfillment by development; he makes an effort, arouses energy, applies his mind, and strives. (1) Here, a bhikkhu develops the basis for psychic potency that possesses concentration due to desire … (2) … that possesses concentration due to energy … (3) … that possesses concentration due to mind … (4) … that possesses concentration due to investigation and activities of striving. For the relinquishment of heedlessness, these four things are to be developed.”

This is what the Blessed One said. Elated, those bhikkhus delighted in the Blessed One’s statement.	This is what the Blessed One said. Elated, those bhikkhus delighted in the Blessed One’s statement.

The Book of the Fours is finished.	The Book of the Fours is finished.

4👑☸ Cattāri Ariya-saccaṃ 四聖諦

AN 4 vaggas 21-28

AN 4 vaggas 21-28

AN 4 vagga 21. A Good Person 21. Sappurisavagga

201. Training Rules (⤴)

202. Faithless (⤴)

203. Seven Kinds of Deeds (⤴)

204. Ten Kinds of Deeds (⤴)

205. Eightfold (⤴)

206. The Path with Ten Factors (⤴)

207. Bad Character (1st) (⤴)

208. Bad Character (2nd) (⤴)

209. Bad Character (3rd) (⤴)

210. Bad Character (4th) (⤴)

AN 4 vagga 22. Assembly 22. Parisāvagga

211. Assembly (⤴)

212. View (⤴)

213. Ungrateful (⤴)

214. Killing Living Creatures (⤴)

215. Path (1st) (⤴)

216. Path (2nd) (⤴)

217. Kinds of Expression (1st) (⤴)

218. Kinds of Expression (2nd) (⤴)

219. Imprudence (⤴)

220. Unethical (⤴)

AN 4 vagga 23. Bad Conduct 23. Duccaritavagga

221. Verbal Conduct (⤴)

222. View (⤴)

223. Ungrateful (⤴)

224. Killing Living Creatures (⤴)

225. Path (1st) (⤴)

226. Path (2nd) (⤴)

227. Kinds of Expression (1st) (⤴)

228. Kinds of Expression (2nd) (⤴)

229. Imprudence (⤴)

230. Witless (⤴)

231. Poets (⤴)

AN 4 vagga 24. Deeds 24. Kammavagga

232. Deeds In Brief (⤴)

233. Deeds in Detail (⤴)

234. About Soṇakāyana (⤴)

235. Training Rules (1st) (⤴)

236. Training Rules (2nd) (⤴)

237. The Noble Path (⤴)

238. Awakening Factors (⤴)

239. Blameworthy (⤴)

240. Pleasing (⤴)

241. Ascetics (⤴)

242. Benefits of a Good Person (⤴)

AN 4 vagga 25. Perils of Offenses 25. Āpattibhayavagga

243. Schism in the Saṅgha (⤴)

244. Perils of Offenses (⤴)

245. The Benefits of Training (⤴)

246. Lying Postures (⤴)

247. Worthy of a Monument (⤴)

248. The Growth of Wisdom (⤴)

249. Very Helpful (⤴)

250. Expressions (1st) (⤴)

251. Expressions (2nd) (⤴)

252. Expressions (3rd) (⤴)

253. Expressions (4th) (⤴)

AN 4 vagga 26. Insight 26. Abhiññāvagga

254. Insight (⤴)

255. Searches (⤴)

256. Ways of Being Inclusive (⤴)

257. With Māluṅkyaputta (⤴)

258. Families (⤴)

259. A Thoroughbred (1st) (⤴)

260. A Thoroughbred (2nd) (⤴)

261. Powers (⤴)

262. Wilderness (⤴)

263. Deeds (⤴)

AN 4 vagga 27. Ways of Performing Deeds 27. Kammapathavagga

264. Killing Living Creatures (⤴)

265. Stealing (⤴)

266. Misconduct (⤴)

267. Lying (⤴)

268. Divisive Speech (⤴)

269. Harsh Speech (⤴)

270. Talking Nonsense (⤴)