| (derived from B. Sujato 2018/12) | |
Aṅguttara Nikāya 3 |
Numbered Discourses 3 |
3. Puggalavagga |
3. Persons |
21. Samiddhasutta |
21. Samiddha |
Evaṃ me sutaṃ— |
So I have heard. |
ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. |
At one time the Buddha was staying near Sāvatthī in Jeta’s Grove, Anāthapiṇḍika’s monastery. |
Atha kho āyasmā ca samiddho āyasmā ca mahākoṭṭhiko yenāyasmā sāriputto tenupasaṅkamiṃsu; upasaṅkamitvā āyasmatā sāriputtena saddhiṃ sammodiṃsu. |
Then Venerable Samiddha and Venerable Mahākoṭṭhita went up to Venerable Sāriputta, and exchanged greetings with him. |
Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinnaṃ kho āyasmantaṃ samiddhaṃ āyasmā sāriputto etadavoca: |
When the greetings and polite conversation were over, they sat down to one side and Venerable Sāriputta said to Venerable Samiddha: |
“Tayome, āvuso samiddha, puggalā santo saṃvijjamānā lokasmiṃ. |
“Reverend Samiddha, these three people are found in the world. |
Katame tayo? |
What three? |
Kāyasakkhī, diṭṭhippatto, saddhāvimutto. |
The direct witness, the one attained to view, and the one freed by faith. |
Ime kho, āvuso, tayo puggalā santo saṃvijjamānā lokasmiṃ. |
These are the three people found in the world. |
Imesaṃ, āvuso, tiṇṇaṃ puggalānaṃ katamo te puggalo khamati abhikkantataro ca paṇītataro cā”ti? |
Of these three people, who do you believe to be the finest?” |
“Tayome, āvuso sāriputta, puggalā santo saṃvijjamānā lokasmiṃ. |
“Reverend Sāriputta, these three people are found in the world. |
Katame tayo? |
What three? |
Kāyasakkhī, diṭṭhippatto, saddhāvimutto. |
The direct witness, the one attained to view, and the one freed by faith. |
Ime kho, āvuso, tayo puggalā santo saṃvijjamānā lokasmiṃ. |
These are the three people found in the world. |
Imesaṃ, āvuso, tiṇṇaṃ puggalānaṃ yvāyaṃ puggalo saddhāvimutto, ayaṃ me puggalo khamati imesaṃ tiṇṇaṃ puggalānaṃ abhikkantataro ca paṇītataro ca. |
Of these three people, I believe the person freed by faith to be finest. |
Taṃ kissa hetu? |
Why is that? |
Imassa, āvuso, puggalassa saddhindriyaṃ adhimattan”ti. |
Because this person’s faculty of faith is outstanding.” |
Atha kho āyasmā sāriputto āyasmantaṃ mahākoṭṭhikaṃ etadavoca: |
Then Sāriputta said to Mahākoṭṭhita: |
“tayome, āvuso koṭṭhika, puggalā santo saṃvijjamānā lokasmiṃ. |
“Reverend Koṭṭhika, these three people are found in the world. |
Katame tayo? |
What three? |
Kāyasakkhī, diṭṭhippatto, saddhāvimutto. |
The direct witness, the one attained to view, and the one freed by faith. |
Ime kho, āvuso, tayo puggalā santo saṃvijjamānā lokasmiṃ. |
These are the three people found in the world. |
Imesaṃ, āvuso, tiṇṇaṃ puggalānaṃ katamo te puggalo khamati abhikkantataro ca paṇītataro cā”ti? |
Of these three people, who do you believe to be the finest?” |
“Tayome, āvuso sāriputta, puggalā santo saṃvijjamānā lokasmiṃ. |
“Reverend Sāriputta, these three people are found in the world. |
Katame tayo? |
What three? |
Kāyasakkhī, diṭṭhippatto, saddhāvimutto. |
The direct witness, the one attained to view, and the one freed by faith. |
Ime kho, āvuso, tayo puggalā santo saṃvijjamānā lokasmiṃ. |
These are the three people found in the world. |
Imesaṃ, āvuso, tiṇṇaṃ puggalānaṃ yvāyaṃ puggalo kāyasakkhī, ayaṃ me puggalo khamati imesaṃ tiṇṇaṃ puggalānaṃ abhikkantataro ca paṇītataro ca. |
Of these three people, I believe the direct witness to be finest. |
Taṃ kissa hetu? |
Why is that? |
Imassa, āvuso, puggalassa samādhindriyaṃ adhimattan”ti. |
Because this person’s faculty of undistractible-lucidity is outstanding.” |
Atha kho āyasmā mahākoṭṭhiko āyasmantaṃ sāriputtaṃ etadavoca: |
Then Mahākoṭṭhita said to Sāriputta: |
“tayome, āvuso sāriputta, puggalā santo saṃvijjamānā lokasmiṃ. |
“Reverend Sāriputta, these three people are found in the world. |
Katame tayo? |
What three? |
Kāyasakkhī, diṭṭhippatto, saddhāvimutto. |
The direct witness, the one attained to view, and the one freed by faith. |
Ime kho, āvuso, tayo puggalā santo saṃvijjamānā lokasmiṃ. |
These are the three people found in the world. |
Imesaṃ, āvuso, tiṇṇaṃ puggalānaṃ katamo te puggalo khamati abhikkantataro ca paṇītataro cā”ti? |
Of these three people, who do you believe to be the finest?” |
“Tayome, āvuso koṭṭhika, puggalā santo saṃvijjamānā lokasmiṃ. |
“Reverend Koṭṭhika, these three people are found in the world. |
Katame tayo? |
What three? |
Kāyasakkhī, diṭṭhippatto, saddhāvimutto. |
The direct witness, the one attained to view, and the one freed by faith. |
Ime kho, āvuso, tayo puggalā santo saṃvijjamānā lokasmiṃ. |
These are the three people found in the world. |
Imesaṃ, āvuso, tiṇṇaṃ puggalānaṃ yvāyaṃ puggalo diṭṭhippatto, ayaṃ me puggalo khamati imesaṃ tiṇṇaṃ puggalānaṃ abhikkantataro ca paṇītataro ca. |
Of these three people, I believe the person attained to view to be finest. |
Taṃ kissa hetu? |
Why is that? |
Imassa, āvuso, puggalassa paññindriyaṃ adhimattan”ti. |
Because this person’s faculty of wisdom is outstanding.” |
Atha kho āyasmā sāriputto āyasmantañca samiddhaṃ āyasmantañca mahākoṭṭhikaṃ etadavoca: |
Then Sāriputta said to Samiddha and Mahākoṭṭhita: |
“byākataṃ kho, āvuso, amhehi sabbeheva yathāsakaṃ paṭibhānaṃ. |
“Each of us has spoken from the heart. |
Āyāmāvuso, yena bhagavā tenupasaṅkamissāma; upasaṅkamitvā bhagavato etamatthaṃ ārocessāma. |
Come, reverends, let’s go to the Buddha, and tell him about this. |
Yathā no bhagavā byākarissati tathā naṃ dhāressāmā”ti. |
As he answers, so we’ll remember it.” |
“Evamāvuso”ti kho āyasmā ca samiddho āyasmā ca mahākoṭṭhiko āyasmato sāriputtassa paccassosuṃ. |
“Yes, reverend,” they replied. |
Atha kho āyasmā ca sāriputto āyasmā ca samiddho āyasmā ca mahākoṭṭhiko yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. |
Then Sāriputta, Samiddha, and Mahākoṭṭhita went up to the Buddha, bowed, and sat down to one side. |
Ekamantaṃ nisinno kho āyasmā sāriputto yāvatako ahosi āyasmatā ca samiddhena āyasmatā ca mahākoṭṭhikena saddhiṃ kathāsallāpo taṃ sabbaṃ bhagavato ārocesi. |
Then Sāriputta told the Buddha of all they had discussed. |
“Na khvettha, sāriputta, sukaraṃ ekaṃsena byākātuṃ: |
“In this matter, Sāriputta, it’s not easy to definitively declare that |
‘ayaṃ imesaṃ tiṇṇaṃ puggalānaṃ abhikkantataro ca paṇītataro cā’ti. |
one of these three people is finest. |
Ṭhānañhetaṃ, sāriputta, vijjati yvāyaṃ puggalo saddhāvimutto svāssa arahattāya paṭipanno, yvāyaṃ puggalo kāyasakkhī svāssa sakadāgāmī vā anāgāmī vā, yo cāyaṃ puggalo diṭṭhippatto sopassa sakadāgāmī vā anāgāmī vā. |
In some cases, a person who is freed by faith is practicing for perfection, while the direct witness and the one attained to view are once-returners or non-returners. |
Na khvettha, sāriputta, sukaraṃ ekaṃsena byākātuṃ: |
In this matter, it’s not easy to definitively declare that |
‘ayaṃ imesaṃ tiṇṇaṃ puggalānaṃ abhikkantataro ca paṇītataro cā’ti. |
one of these three people is finest. |
Ṭhānañhetaṃ, sāriputta, vijjati yvāyaṃ puggalo kāyasakkhī svāssa arahattāya paṭipanno, yvāyaṃ puggalo saddhāvimutto svāssa sakadāgāmī vā anāgāmī vā, yo cāyaṃ puggalo diṭṭhippatto sopassa sakadāgāmī vā anāgāmī vā. |
In some cases, a direct witness is practicing for perfection, while the one freed by faith and the one attained to view are once-returners or non-returners. |
Na khvettha, sāriputta, sukaraṃ ekaṃsena byākātuṃ: |
In this matter, it’s not easy to definitively declare that |
‘ayaṃ imesaṃ tiṇṇaṃ puggalānaṃ abhikkantataro ca paṇītataro cā’ti. |
one of these three people is finest. |
Ṭhānañhetaṃ, sāriputta, vijjati yvāyaṃ puggalo diṭṭhippatto svāssa arahattāya paṭipanno, yvāyaṃ puggalo saddhāvimutto svāssa sakadāgāmī vā anāgāmī vā, yo cāyaṃ puggalo kāyasakkhī sopassa sakadāgāmī vā anāgāmī vā. |
In some cases, one attained to view is practicing for perfection, while the one freed by faith and the direct witness are once-returners or non-returners. |
Na khvettha, sāriputta, sukaraṃ ekaṃsena byākātuṃ: |
In this matter, it’s not easy to definitively declare that |
‘ayaṃ imesaṃ tiṇṇaṃ puggalānaṃ abhikkantataro ca paṇītataro cā’”ti. |
one of these three people is finest.” |
22. Gilānasutta |
22. Patients |
“Tayome, bhikkhave, gilānā santo saṃvijjamānā lokasmiṃ. |
“These three patients are found in the world. |
Katame tayo? |
What three? |
Idha, bhikkhave, ekacco gilāno labhanto vā sappāyāni bhojanāni alabhanto vā sappāyāni bhojanāni, labhanto vā sappāyāni bhesajjāni alabhanto vā sappāyāni bhesajjāni, labhanto vā patirūpaṃ upaṭṭhākaṃ alabhanto vā patirūpaṃ upaṭṭhākaṃ neva vuṭṭhāti tamhā ābādhā. |
In some cases a patient won’t recover from an illness, regardless of whether or not they get suitable food and medicines, and a capable carer. |
Idha pana, bhikkhave, ekacco gilāno labhanto vā sappāyāni bhojanāni alabhanto vā sappāyāni bhojanāni, labhanto vā sappāyāni bhesajjāni alabhanto vā sappāyāni bhesajjāni, labhanto vā patirūpaṃ upaṭṭhākaṃ alabhanto vā patirūpaṃ upaṭṭhākaṃ vuṭṭhāti tamhā ābādhā. |
In some cases a patient will recover from an illness, regardless of whether or not they get suitable food and medicines, and a capable carer. |
Idha pana, bhikkhave, ekacco gilāno labhantova sappāyāni bhojanāni no alabhanto, labhantova sappāyāni bhesajjāni no alabhanto, labhantova patirūpaṃ upaṭṭhākaṃ no alabhanto vuṭṭhāti tamhā ābādhā. |
In some cases a patient can recover from an illness, but only if they get suitable food and medicines, and a capable carer, and not if they don’t get these things. |
Tatra, bhikkhave, yvāyaṃ gilāno labhantova sappāyāni bhojanāni no alabhanto, labhantova sappāyāni bhesajjāni no alabhanto, labhantova patirūpaṃ upaṭṭhākaṃ no alabhanto vuṭṭhāti tamhā ābādhā, imaṃ kho, bhikkhave, gilānaṃ paṭicca gilānabhattaṃ anuññātaṃ gilānabhesajjaṃ anuññātaṃ gilānupaṭṭhāko anuññāto. |
Now, it’s for the sake of the last patient—who will recover only if they get suitable food and medicines, and a capable carer—that food, medicines, and a carer are prescribed. |
Imañca pana, bhikkhave, gilānaṃ paṭicca aññepi gilānā upaṭṭhātabbā. |
But also, for the sake of this patient, the other patients should be looked after. |
Ime kho, bhikkhave, tayo gilānā santo saṃvijjamānā lokasmiṃ. |
These are the three kinds of patients found in the world. |
Evamevaṃ kho, bhikkhave, tayome gilānūpamā puggalā santo saṃvijjamānā lokasmiṃ. |
In the same way, these three people similar to patients are found among the monks. |
Katame tayo? |
What three? |
Idha, bhikkhave, ekacco puggalo labhanto vā tathāgataṃ dassanāya alabhanto vā tathāgataṃ dassanāya, labhanto vā tathāgatappaveditaṃ dhammavinayaṃ savanāya alabhanto vā tathāgatappaveditaṃ dhammavinayaṃ savanāya neva okkamati niyāmaṃ kusalesu dhammesu sammattaṃ. |
Some people don’t enter the sure path with regards to skillful qualities, regardless of whether or not they get to see a Realized One, and to hear the teaching and training that he proclaims. |
Idha, pana, bhikkhave, ekacco puggalo labhanto vā tathāgataṃ dassanāya alabhanto vā tathāgataṃ dassanāya, labhanto vā tathāgatappaveditaṃ dhammavinayaṃ savanāya alabhanto vā tathāgatappaveditaṃ dhammavinayaṃ savanāya okkamati niyāmaṃ kusalesu dhammesu sammattaṃ. |
Some people do enter the sure path with regards to skillful qualities, regardless of whether or not they get to see a Realized One, and to hear the teaching and training that he proclaims. |
Idha pana, bhikkhave, ekacco puggalo labhantova tathāgataṃ dassanāya no alabhanto, labhantova tathāgatappaveditaṃ dhammavinayaṃ savanāya no alabhanto okkamati niyāmaṃ kusalesu dhammesu sammattaṃ. |
Some people can enter the sure path with regards to skillful qualities, but only if they get to see a Realized One, and to hear the teaching and training that he proclaims, and not when they don’t get those things. |
Tatra, bhikkhave, yvāyaṃ puggalo labhantova tathāgataṃ dassanāya no alabhanto, labhantova tathāgatappaveditaṃ dhammavinayaṃ savanāya no alabhanto okkamati niyāmaṃ kusalesu dhammesu sammattaṃ, imaṃ kho, bhikkhave, puggalaṃ paṭicca dhammadesanā anuññātā. |
Now, it’s for the sake of this last person that teaching the Dhamma is prescribed, that is, the one who can enter the sure path with regards to skillful qualities, but only if they get to see a Realized One, and to hear the teaching and training that he proclaims. |
Imañca pana, bhikkhave, puggalaṃ paṭicca aññesampi dhammo desetabbo. |
But also, for the sake of this person, the other people should be taught Dhamma. |
Ime kho, bhikkhave, tayo gilānūpamā puggalā santo saṃvijjamānā lokasmin”ti. |
These are the three people similar to patients found in the world.” |
23. Saṅkhārasutta |
23. co-doings |
“Tayome, bhikkhave, puggalā santo saṃvijjamānā lokasmiṃ. |
“These three people are found in the world. |
Katame tayo? |
What three? |
Idha, bhikkhave, ekacco puggalo sabyābajjhaṃ kāyasaṅkhāraṃ abhisaṅkharoti, sabyābajjhaṃ vacīsaṅkhāraṃ abhisaṅkharoti, sabyābajjhaṃ manosaṅkhāraṃ abhisaṅkharoti. |
Firstly, a certain person makes hurtful co-doings by way of body, speech, and mind. |
So sabyābajjhaṃ kāyasaṅkhāraṃ abhisaṅkharitvā, sabyābajjhaṃ vacīsaṅkhāraṃ abhisaṅkharitvā, sabyābajjhaṃ manosaṅkhāraṃ abhisaṅkharitvā sabyābajjhaṃ lokaṃ upapajjati. |
Having made these co-doings, they’re reborn in a hurtful world, |
Tamenaṃ sabyābajjhaṃ lokaṃ upapannaṃ samānaṃ sabyābajjhā phassā phusanti. |
where hurtful contacts touch them. |
So sabyābajjhehi phassehi phuṭṭho samāno sabyābajjhaṃ vedanaṃ vedayati ekantadukkhaṃ, seyyathāpi sattā nerayikā. |
Touched by hurtful contacts, they experience hurtful feelings that are exclusively painful—like the beings in hell. |
Idha pana, bhikkhave, ekacco puggalo abyābajjhaṃ kāyasaṅkhāraṃ abhisaṅkharoti, abyābajjhaṃ vacīsaṅkhāraṃ abhisaṅkharoti, abyābajjhaṃ manosaṅkhāraṃ abhisaṅkharoti. |
Furthermore, another person makes pleasing co-doings by way of body, speech, and mind. |
So abyābajjhaṃ kāyasaṅkhāraṃ abhisaṅkharitvā, abyābajjhaṃ vacīsaṅkhāraṃ abhisaṅkharitvā, abyābajjhaṃ manosaṅkhāraṃ abhisaṅkharitvā abyābajjhaṃ lokaṃ upapajjati. |
Having made these co-doings, they are reborn in a pleasing world, |
Tamenaṃ abyābajjhaṃ lokaṃ upapannaṃ samānaṃ abyābajjhā phassā phusanti. |
where pleasing contacts touch them. |
So abyābajjhehi phassehi phuṭṭho samāno abyābajjhaṃ vedanaṃ vedayati ekantasukhaṃ, seyyathāpi devā subhakiṇhā. |
Touched by pleasing contacts, they experience pleasing feelings that are exclusively happy—like the gods replete with glory. |
Idha pana, bhikkhave, ekacco puggalo sabyābajjhampi abyābajjhampi kāyasaṅkhāraṃ abhisaṅkharoti, sabyābajjhampi abyābajjhampi vacīsaṅkhāraṃ abhisaṅkharoti, sabyābajjhampi abyābajjhampi manosaṅkhāraṃ abhisaṅkharoti. |
Furthermore, another person makes both hurtful and pleasing co-doings by way of body, speech, and mind. |
So sabyābajjhampi abyābajjhampi kāyasaṅkhāraṃ abhisaṅkharitvā, sabyābajjhampi abyābajjhampi vacīsaṅkhāraṃ abhisaṅkharitvā, sabyābajjhampi abyābajjhampi manosaṅkhāraṃ abhisaṅkharitvā sabyābajjhampi abyābajjhampi lokaṃ upapajjati. |
Having made these co-doings, they are reborn in a world that is both hurtful and pleasing, |
Tamenaṃ sabyābajjhampi abyābajjhampi lokaṃ upapannaṃ samānaṃ sabyābajjhāpi abyābajjhāpi phassā phusanti. |
where hurtful and pleasing contacts touch them. |
So sabyābajjhehipi abyābajjhehipi phassehi phuṭṭho samāno sabyābajjhampi abyābajjhampi vedanaṃ vedayati vokiṇṇasukhadukkhaṃ, seyyathāpi manussā ekacce ca devā ekacce ca vinipātikā. |
Touched by both hurtful and pleasing contacts, they experience both hurtful and pleasing feelings that are a mixture of pleasure and pain—like humans, some gods, and some beings in the underworld. |
Ime kho, bhikkhave, tayo puggalā santo saṃvijjamānā lokasmin”ti. |
These are the three people found in the world. |
24. Bahukārasutta |
24. Very Helpful |
“Tayome, bhikkhave, puggalā puggalassa bahukārā. |
monks, these three people are very helpful to another. |
Katame tayo? |
What three? |
Yaṃ, bhikkhave, puggalaṃ āgamma puggalo buddhaṃ saraṇaṃ gato hoti, dhammaṃ saraṇaṃ gato hoti, saṅghaṃ saraṇaṃ gato hoti; |
The person who has enabled you to go for refuge to the Buddha, the teaching, and the Saṅgha. |
ayaṃ, bhikkhave, puggalo imassa puggalassa bahukāro. |
This person is very helpful to another. |
Puna caparaṃ, bhikkhave, yaṃ puggalaṃ āgamma puggalo ‘idaṃ dukkhan’ti yathābhūtaṃ pajānāti, ‘ayaṃ dukkhasamudayo’ti yathābhūtaṃ pajānāti, ‘ayaṃ dukkhanirodho’ti yathābhūtaṃ pajānāti, ‘ayaṃ dukkhanirodhagāminī paṭipadā’ti yathābhūtaṃ pajānāti; |
Furthermore, the person who has enabled you to truly understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’. |
ayaṃ, bhikkhave, puggalo imassa puggalassa bahukāro. |
This person is very helpful to another. |
Puna caparaṃ, bhikkhave, yaṃ puggalaṃ āgamma puggalo āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati; |
Furthermore, the person who has enabled you to realize the undefiled freedom of heart and freedom by wisdom in this very life, and live having realized it with your own insight due to the ending of defilements. |
ayaṃ, bhikkhave, puggalo imassa puggalassa bahukāro. |
This person is very helpful to another. |
Ime kho, bhikkhave, tayo puggalā puggalassa bahukārā. |
These are the three people who are very helpful to another person. |
Imehi ca pana, bhikkhave, tīhi puggalehi imassa puggalassa natthañño puggalo bahukāroti vadāmi. |
And I say that there is no-one more helpful to another than these three people. |
Imesaṃ pana, bhikkhave, tiṇṇaṃ puggalānaṃ iminā puggalena na suppatikāraṃ vadāmi, yadidaṃ abhivādanapaccuṭṭhānaañjalikammasāmīcikammacīvarapiṇḍapātasenāsanagilānapaccayabhesajjaparikkhārānuppadānenā”ti. |
And I also say that it’s not easy to repay these three people by bowing down to them, rising up for them, greeting them with joined palms, and observing proper etiquette for them; or by providing them with robes, alms-food, lodgings, and medicines and supplies for the sick.” |
25. Vajirūpamasutta |
25. Like Diamond |
“Tayome, bhikkhave, puggalā santo saṃvijjamānā lokasmiṃ. |
“These three people are found in the world. |
Katame tayo? |
What three? |
Arukūpamacitto puggalo, vijjūpamacitto puggalo, vajirūpamacitto puggalo. |
A person with a mind like an open sore, a person with a mind like lightning, and a person with a mind like diamond. |
Katamo ca, bhikkhave, arukūpamacitto puggalo? |
And who has a mind like an open sore? |
Idha, bhikkhave, ekacco puggalo kodhano hoti upāyāsabahulo |
It’s someone who is irritable and bad-tempered. |
appampi vutto samāno abhisajjati kuppati byāpajjati patitthīyati kopañca dosañca appaccayañca pātukaroti. |
Even when lightly criticized they lose their temper, becoming annoyed, hostile, and hard-hearted, and they display annoyance, hate, and bitterness. |
Seyyathāpi, bhikkhave, duṭṭhāruko kaṭṭhena vā kaṭhalāya vā ghaṭṭito bhiyyoso mattāya āsavaṃ deti; |
They’re like a festering sore, which, when you hit it with a stick or a stone, discharges even more. |
evamevaṃ kho, bhikkhave, idhekacco puggalo kodhano hoti upāyāsabahulo |
In the same way, someone is irritable and bad-tempered. |
appampi vutto samāno abhisajjati kuppati byāpajjati patitthīyati kopañca dosañca appaccayañca pātukaroti. |
Even when lightly criticized they lose their temper, becoming annoyed, hostile, and hard-hearted, and they display annoyance, hate, and bitterness. |
Ayaṃ vuccati, bhikkhave, arukūpamacitto puggalo. |
This is called a person with a mind like an open sore. |
Katamo ca, bhikkhave, vijjūpamacitto puggalo? |
And who has a mind like lightning? |
Idha, bhikkhave, ekacco puggalo ‘idaṃ dukkhan’ti yathābhūtaṃ pajānāti, ‘ayaṃ dukkhasamudayo’ti yathābhūtaṃ pajānāti, ‘ayaṃ dukkhanirodho’ti yathābhūtaṃ pajānāti, ‘ayaṃ dukkhanirodhagāminī paṭipadā’ti yathābhūtaṃ pajānāti. |
It’s someone who truly understands: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’. |
Seyyathāpi, bhikkhave, cakkhumā puriso rattandhakāratimisāyaṃ vijjantarikāya rūpāni passeyya; |
They’re like a person with keen eyes in the dark of the night, who sees by a flash of lightning. |
evamevaṃ kho, bhikkhave, idhekacco puggalo ‘idaṃ dukkhan’ti yathābhūtaṃ pajānāti … pe … ‘ayaṃ dukkhanirodhagāminī paṭipadā’ti yathābhūtaṃ pajānāti. |
In the same way, someone truly understands: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’. |
Ayaṃ vuccati, bhikkhave, vijjūpamacitto puggalo. |
This is called a person with a mind like lightning. |
Katamo ca, bhikkhave, vajirūpamacitto puggalo? |
And who has a mind like diamond? |
Idha, bhikkhave, ekacco puggalo āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. |
It’s someone who realizes the undefiled freedom of heart and freedom by wisdom in this very life. And they live having realized it with their own insight due to the ending of defilements. |
Seyyathāpi, bhikkhave, vajirassa natthi kiñci abhejjaṃ maṇi vā pāsāṇo vā; |
It’s like a diamond, which can’t be cut by anything at all, not even a gem or a stone. |
evamevaṃ kho, bhikkhave, idhekacco puggalo āsavānaṃ khayā … pe … upasampajja viharati. |
In the same way, someone realizes the undefiled freedom of heart and freedom by wisdom in this very life. … |
Ayaṃ vuccati, bhikkhave, vajirūpamacitto puggalo. |
This is called a person with a mind like diamond. |
Ime kho, bhikkhave, tayo puggalā santo saṃvijjamānā lokasmin”ti. |
These are the three people found in the world.” |
26. Sevitabbasutta |
26. Associates |
“Tayome, bhikkhave, puggalā santo saṃvijjamānā lokasmiṃ. |
“These three people are found in the world. |
Katame tayo? |
What three? |
Atthi, bhikkhave, puggalo na sevitabbo na bhajitabbo na payirupāsitabbo. |
There is a person you shouldn’t associate with, accompany, or attend. |
Atthi, bhikkhave, puggalo sevitabbo bhajitabbo payirupāsitabbo. |
There is a person you should associate with, accompany, and attend. |
Atthi, bhikkhave, puggalo sakkatvā garuṃ katvā sevitabbo bhajitabbo payirupāsitabbo. |
There is a person you should associate with, accompany, and attend with honor and respect. |
Katamo ca, bhikkhave, puggalo na sevitabbo na bhajitabbo na payirupāsitabbo? |
Who is the person you shouldn’t associate with, accompany, or attend? |
Idha, bhikkhave, ekacco puggalo hīno hoti sīlena samādhinā paññāya. |
It’s someone who is inferior in terms of ethics, undistractible-lucidity, and wisdom. |
Evarūpo, bhikkhave, puggalo na sevitabbo na bhajitabbo na payirupāsitabbo aññatra anuddayā aññatra anukampā. |
You shouldn’t associate with, accompany, or attend such a person, except out of kindness and compassion. |
Katamo ca, bhikkhave, puggalo sevitabbo bhajitabbo payirupāsitabbo? |
Who is the person you should associate with, accompany, and attend? |
Idha, bhikkhave, ekacco puggalo sadiso hoti sīlena samādhinā paññāya. |
It’s someone who is similar in terms of ethics, undistractible-lucidity, and wisdom. |
Evarūpo, bhikkhave, puggalo sevitabbo bhajitabbo payirupāsitabbo. |
You should associate with, accompany, and attend such a person. |
Taṃ kissa hetu? |
Why is that? |
Sīlasāmaññagatānaṃ sataṃ sīlakathā ca no bhavissati, sā ca no pavattinī bhavissati, sā ca no phāsu bhavissati. |
Thinking, ‘Since our ethical conduct is similar, we can discuss ethics, the conversation will flow, and we’ll both be at ease. |
Samādhisāmaññagatānaṃ sataṃ samādhikathā ca no bhavissati, sā ca no pavattinī bhavissati, sā ca no phāsu bhavissati. |
Since our undistractible-lucidity is similar, we can discuss undistractible-lucidity, the conversation will flow, and we’ll both be at ease. |
Paññāsāmaññagatānaṃ sataṃ paññākathā ca no bhavissati, sā ca no pavattinī bhavissati, sā ca no phāsu bhavissatīti. |
Since our wisdom is similar, we can discuss wisdom, the conversation will flow, and we’ll both be at ease.’ |
Tasmā evarūpo puggalo sevitabbo bhajitabbo payirupāsitabbo. |
That’s why you should associate with, accompany, and attend such a person. |
Katamo ca, bhikkhave, puggalo sakkatvā garuṃ katvā sevitabbo bhajitabbo payirupāsitabbo? |
Who is the person you should associate with, accompany, and attend with honor and respect? |
Idha, bhikkhave, ekacco puggalo adhiko hoti sīlena samādhinā paññāya. |
It’s someone who is superior in terms of ethics, undistractible-lucidity, and wisdom. |
Evarūpo, bhikkhave, puggalo sakkatvā garuṃ katvā sevitabbo bhajitabbo payirupāsitabbo. |
You should associate with, accompany, and attend such a person with honor and respect. |
Taṃ kissa hetu? |
Why is that? |
Iti aparipūraṃ vā sīlakkhandhaṃ paripūressāmi, paripūraṃ vā sīlakkhandhaṃ tattha tattha paññāya anuggahessāmi; |
Thinking, ‘I’ll fulfill the entire spectrum of ethical conduct I haven’t yet fulfilled, or support with wisdom in every situation the ethical conduct I’ve already fulfilled. |
aparipūraṃ vā samādhikkhandhaṃ paripūressāmi, paripūraṃ vā samādhikkhandhaṃ tattha tattha paññāya anuggahessāmi; |
I’ll fulfill the entire spectrum of undistractible-lucidity I haven’t yet fulfilled, or support with wisdom in every situation the undistractible-lucidity I’ve already fulfilled. |
aparipūraṃ vā paññākkhandhaṃ paripūressāmi, paripūraṃ vā paññākkhandhaṃ tattha tattha paññāya anuggahessāmīti. |
I’ll fulfill the entire spectrum of wisdom I haven’t yet fulfilled, or support with wisdom in every situation the wisdom I’ve already fulfilled.’ |
Tasmā evarūpo puggalo sakkatvā garuṃ katvā sevitabbo bhajitabbo payirupāsitabbo. |
That’s why you should associate with, accompany, and attend this person with honor and respect. |
Ime kho, bhikkhave, tayo puggalā santo saṃvijjamānā lokasminti. |
These are the three people found in the world.” |
Nihīyati puriso nihīnasevī, |
“A man who associates with an inferior goes downhill, |
Na ca hāyetha kadāci tulyasevī; |
But associating with an equal, you’ll never decline; |
Seṭṭhamupanamaṃ udeti khippaṃ, |
Following the best, you’ll quickly rise up, |
Tasmā attano uttariṃ bhajethā”ti. |
So you should keep company with people better than you.” |
27. Jigucchitabbasutta |
27. Offensive |
“Tayome, bhikkhave, puggalā santo saṃvijjamānā lokasmiṃ. |
“These three people are found in the world. |
Katame tayo? |
What three? |
Atthi, bhikkhave, puggalo jigucchitabbo na sevitabbo na bhajitabbo na payirupāsitabbo. |
There is a person who you should be disgusted by, and you shouldn’t associate with, accompany, or attend them. |
Atthi, bhikkhave, puggalo ajjhupekkhitabbo na sevitabbo na bhajitabbo na payirupāsitabbo. |
There is a person you should regard with equanimity, and you shouldn’t associate with, accompany, or attend them. |
Atthi, bhikkhave, puggalo sevitabbo bhajitabbo payirupāsitabbo. |
There is a person you should associate with, accompany, and attend. |
Katamo ca, bhikkhave, puggalo jigucchitabbo na sevitabbo na bhajitabbo na payirupāsitabbo? |
Who is the person you should be disgusted by, and not associate with, accompany, or attend? |
Idha, bhikkhave, ekacco puggalo dussīlo hoti pāpadhammo asuci saṅkassarasamācāro paṭicchannakammanto, assamaṇo samaṇapaṭiñño, abrahmacārī brahmacāripaṭiñño, antopūti avassuto kasambujāto. |
It’s a person who is unethical, of bad qualities, filthy, with suspicious behavior, underhand, no true ascetic or spiritual practitioner—though claiming to be one—rotten inside, corrupt, and depraved. |
Evarūpo, bhikkhave, puggalo jigucchitabbo na sevitabbo na bhajitabbo na payirupāsitabbo. |
You should be disgusted by such a person, and you shouldn’t associate with, accompany, or attend them. |
Taṃ kissa hetu? |
Why is that? |
Kiñcāpi, bhikkhave, evarūpassa puggalassa na diṭṭhānugatiṃ āpajjati, atha kho naṃ pāpako kittisaddo abbhuggacchati: |
Even if you don’t follow the example of such a person, you still get a bad reputation: |
‘pāpamitto purisapuggalo pāpasahāyo pāpasampavaṅko’ti. |
‘That individual has bad friends, companions, and associates.’ |
Seyyathāpi, bhikkhave, ahi gūthagato kiñcāpi na daṃsati, atha kho naṃ makkheti; |
They’re like a snake that’s been living in a pile of dung. Even if it doesn’t bite, it’ll still rub off on you. |
evamevaṃ kho, bhikkhave, kiñcāpi evarūpassa puggalassa na diṭṭhānugatiṃ āpajjati, atha kho naṃ pāpako kittisaddo abbhuggacchati: |
In the same way, even if you don’t follow the example of such a person, you still get a bad reputation: |
‘pāpamitto purisapuggalo pāpasahāyo pāpasampavaṅko’ti. |
‘That individual has bad friends, companions, and associates.’ |
Tasmā evarūpo puggalo jigucchitabbo na sevitabbo na bhajitabbo na payirupāsitabbo. |
That’s why you should be disgusted by such a person, and you shouldn’t associate with, accompany, or attend them. |
Katamo ca, bhikkhave, puggalo ajjhupekkhitabbo na sevitabbo na bhajitabbo na payirupāsitabbo? |
Who is the person you should regard with equanimity, and not associate with, accompany, or attend? |
Idha, bhikkhave, ekacco puggalo kodhano hoti upāyāsabahulo, |
It’s a person who is irritable and bad-tempered. |
appampi vutto samāno abhisajjati kuppati byāpajjati patitthīyati, kopañca dosañca appaccayañca pātukaroti. |
Even when lightly criticized they lose their temper, becoming annoyed, hostile, and hard-hearted, and they display annoyance, hate, and bitterness. |
Seyyathāpi, bhikkhave, duṭṭhāruko kaṭṭhena vā kaṭhalāya vā ghaṭṭito bhiyyoso mattāya āsavaṃ deti; |
They’re like a festering sore, which, when you hit it with a stick or a stone, discharges even more. |
evamevaṃ kho, bhikkhave … pe … |
In the same way, someone is prone to anger … and bitterness. |
seyyathāpi, bhikkhave, tindukālātaṃ kaṭṭhena vā kaṭhalāya vā ghaṭṭitaṃ bhiyyoso mattāya cicciṭāyati ciṭiciṭāyati; |
They’re like a firebrand of pale-moon ebony, which, when you hit it with a stick or a stone, sizzles and crackles even more. |
evamevaṃ kho, bhikkhave … pe … |
In the same way, someone is prone to anger … and bitterness. |
seyyathāpi, bhikkhave, gūthakūpo kaṭṭhena vā kaṭhalāya vā ghaṭṭito bhiyyoso mattāya duggandho hoti; |
They’re like a sewer, which, when you stir it with a stick or a stone, stinks even more. |
evamevaṃ kho, bhikkhave, idhekacco puggalo kodhano hoti upāyāsabahulo, |
In the same way, someone is irritable and bad-tempered. |
appampi vutto samāno abhisajjati kuppati byāpajjati patitthīyati, kopañca dosañca appaccayañca pātukaroti. |
Even when lightly criticized they lose their temper, becoming annoyed, hostile, and hard-hearted, and they display annoyance, hate, and bitterness. |
Evarūpo, bhikkhave, puggalo ajjhupekkhitabbo na sevitabbo na bhajitabbo na payirupāsitabbo. |
You should regard such a person with equanimity, and you shouldn’t associate with, accompany, or attend them. |
Taṃ kissa hetu? |
Why is that? |
Akkoseyyapi maṃ paribhāseyyapi maṃ anatthampi maṃ kareyyāti. |
Thinking, ‘They might abuse or insult me, or do me harm.’ |
Tasmā evarūpo puggalo ajjhupekkhitabbo na sevitabbo na bhajitabbo na payirupāsitabbo. |
That’s why you should regard such a person with equanimity, and you shouldn’t associate with, accompany, or attend them. |
Katamo ca, bhikkhave, puggalo sevitabbo bhajitabbo payirupāsitabbo? |
Who is the person you should associate with, accompany, and attend? |
Idha, bhikkhave, ekacco puggalo sīlavā hoti kalyāṇadhammo. |
It’s someone who is ethical, of good character. |
Evarūpo, bhikkhave, puggalo sevitabbo bhajitabbo payirupāsitabbo. |
You should associate with, accompany, and attend such a person. |
Taṃ kissa hetu? |
Why is that? |
Kiñcāpi, bhikkhave, evarūpassa puggalassa na diṭṭhānugatiṃ āpajjati, atha kho naṃ kalyāṇo kittisaddo abbhuggacchati: |
Even if you don’t follow the example of such a person, you still get a good reputation: |
‘kalyāṇamitto purisapuggalo kalyāṇasahāyo kalyāṇasampavaṅko’ti. |
‘That individual has good friends, companions, and associates.’ |
Tasmā evarūpo puggalo sevitabbo bhajitabbo payirupāsitabbo. |
That’s why you should associate with, accompany, and attend such a person. |
Ime kho, bhikkhave, tayo puggalā santo saṃvijjamānā lokasminti. |
These are the three people found in the world.” |
Nihīyati puriso nihīnasevī, |
“A man who associates with an inferior goes downhill, |
Na ca hāyetha kadāci tulyasevī; |
But associating with an equal, you’ll never decline; |
Seṭṭhamupanamaṃ udeti khippaṃ, |
Following the best, you’ll quickly rise up, |
Tasmā attano uttariṃ bhajethā”ti. |
So you should keep company with people better than you.” |
28. Gūthabhāṇīsutta |
28. Speech like Dung |
“Tayome, bhikkhave, puggalā santo saṃvijjamānā lokasmiṃ. |
“These three kinds of people are found in the world. |
Katame tayo? |
What three? |
Gūthabhāṇī, pupphabhāṇī, madhubhāṇī. |
One with speech like dung, one with speech like flowers, and one with speech like honey. |
Katamo ca, bhikkhave, puggalo gūthabhāṇī? |
And who has speech like dung? |
Idha, bhikkhave, ekacco puggalo sabhaggato vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho: ‘ehambho purisa, yaṃ jānāsi taṃ vadehī’ti. So ajānaṃ vā āha: ‘jānāmī’ti, jānaṃ vā āha: ‘na jānāmī’ti, apassaṃ vā āha: ‘passāmī’ti, passaṃ vā āha: ‘na passāmī’ti; iti attahetu vā parahetu vā āmisakiñcikkhahetu vā sampajānamusā bhāsitā hoti. |
It’s someone who is summoned to a council, an assembly, a family meeting, a guild, or to the royal court, and asked to bear witness: ‘Please, mister, say what you know.’ Not knowing, they say ‘I know.’ Knowing, they say ‘I don’t know.’ Not seeing, they say ‘I see.’ And seeing, they say ‘I don’t see.’ So they deliberately lie for the sake of themselves or another, or for some trivial worldly reason. |
Ayaṃ vuccati, bhikkhave, puggalo gūthabhāṇī. |
This is called a person with speech like dung. |
Katamo ca, bhikkhave, puggalo pupphabhāṇī? |
And who has speech like flowers? |
Idha, bhikkhave, ekacco puggalo sabhaggato vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho: ‘ehambho purisa, yaṃ pajānāsi taṃ vadehī’ti, so ajānaṃ vā āha: ‘na jānāmī’ti, jānaṃ vā āha: ‘jānāmī’ti, apassaṃ vā āha: ‘na passāmī’ti, passaṃ vā āha: ‘passāmī’ti; iti attahetu vā parahetu vā āmisakiñcikkhahetu vā na sampajānamusā bhāsitā hoti. |
It’s someone who is summoned to a council, an assembly, a family meeting, a guild, or to the royal court, and asked to bear witness: ‘Please, mister, say what you know.’ Not knowing, they say ‘I don’t know.’ Knowing, they say ‘I know.’ Not seeing, they say ‘I don’t see.’ And seeing, they say ‘I see.’ So they don’t deliberately lie for the sake of themselves or another, or for some trivial worldly reason. |
Ayaṃ vuccati, bhikkhave, puggalo pupphabhāṇī. |
This is called a person with speech like flowers. |
Katamo ca, bhikkhave, puggalo madhubhāṇī? |
And who has speech like honey? |
Idha, bhikkhave, ekacco puggalo pharusaṃ vācaṃ pahāya pharusāya vācāya paṭivirato hoti; |
It’s someone who gives up harsh speech. |
yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā tathārūpiṃ vācaṃ bhāsitā hoti. |
They speak in a way that’s mellow, pleasing to the ear, lovely, going to the heart, polite, likable and agreeable to the people. |
Ayaṃ vuccati, bhikkhave, puggalo madhubhāṇī. |
This is called a person with speech like honey. |
Ime kho, bhikkhave, tayo puggalā santo saṃvijjamānā lokasmin”ti. |
These are the three people found in the world.” |
29. Andhasutta |
29. Blind |
“Tayome, bhikkhave, puggalā santo saṃvijjamānā lokasmiṃ. |
“These three kinds of people are found in the world. |
Katame tayo? |
What three? |
Andho, ekacakkhu, dvicakkhu. |
The blind, the one-eyed, and the two-eyed. |
Katamo ca, bhikkhave, puggalo andho? |
Who is the blind person? |
Idha, bhikkhave, ekaccassa puggalassa tathārūpaṃ cakkhu na hoti yathārūpena cakkhunā anadhigataṃ vā bhogaṃ adhigaccheyya adhigataṃ vā bhogaṃ phātiṃ kareyya; |
It’s someone who doesn’t have the kind of vision that’s needed to acquire more wealth or to increase the wealth they’ve already acquired. |
tathārūpampissa cakkhu na hoti yathārūpena cakkhunā kusalākusale dhamme jāneyya, sāvajjānavajje dhamme jāneyya, hīnappaṇīte dhamme jāneyya, kaṇhasukkasappaṭibhāge dhamme jāneyya. |
Nor do they have the kind of vision that’s needed to know the difference between qualities that are skillful and unskillful, blameworthy and blameless, inferior and superior, and those on the side of dark and bright. |
Ayaṃ vuccati, bhikkhave, puggalo andho. |
This is called a blind person. |
Katamo ca, bhikkhave, puggalo ekacakkhu? |
Who is the person with one eye? |
Idha, bhikkhave, ekaccassa puggalassa tathārūpaṃ cakkhu hoti yathārūpena cakkhunā anadhigataṃ vā bhogaṃ adhigaccheyya adhigataṃ vā bhogaṃ phātiṃ kareyya; |
It’s someone who has the kind of vision that’s needed to acquire more wealth and to increase the wealth they’ve already acquired. |
tathārūpaṃ panassa cakkhu na hoti yathārūpena cakkhunā kusalākusale dhamme jāneyya, sāvajjānavajje dhamme jāneyya, hīnappaṇīte dhamme jāneyya, kaṇhasukkasappaṭibhāge dhamme jāneyya. |
But they don’t have the kind of vision that’s needed to know the difference between qualities that are skillful and unskillful, blameworthy and blameless, inferior and superior, and those on the side of dark and bright. |
Ayaṃ vuccati, bhikkhave, puggalo ekacakkhu. |
This is called a one-eyed person. |
Katamo ca, bhikkhave, puggalo dvicakkhu? |
Who is the person with two eyes? |
Idha, bhikkhave, ekaccassa puggalassa tathārūpaṃ cakkhu hoti yathārūpena cakkhunā anadhigataṃ vā bhogaṃ adhigaccheyya, adhigataṃ vā bhogaṃ phātiṃ kareyya; |
It’s someone who has the kind of vision that’s needed to acquire more wealth and to increase the wealth they’ve already acquired. |
tathārūpampissa cakkhu hoti yathārūpena cakkhunā kusalākusale dhamme jāneyya; |
And they have the kind of vision that’s needed to know the difference between skillful and unskillful, blameworthy and blameless, inferior and superior, or qualities on the side of dark and bright. |
sāvajjānavajje dhamme jāneyya, hīnappaṇīte dhamme jāneyya, kaṇhasukkasappaṭibhāge dhamme jāneyya. |
|
Ayaṃ vuccati, bhikkhave, puggalo dvicakkhu. |
This is called a two-eyed person. |
Ime kho, bhikkhave, tayo puggalā santo saṃvijjamānā lokasminti. |
These are the three people found in the world.” |
Na ceva bhogā tathārūpā, |
“Neither suitable wealth, |
na ca puññāni kubbati; |
nor merit do they make. |
Ubhayattha kaliggāho, |
They lose on both counts, |
andhassa hatacakkhuno. |
those blind, with ruined eyes. |
Athāparāyaṃ akkhāto, |
And now the one-eyed |
Ekacakkhu ca puggalo; |
person is explained. |
Dhammādhammena saṭhoso, |
By methods good and bad, |
Bhogāni pariyesati. |
that devious person seeks wealth. |
Theyyena kūṭakammena, |
Both by fraudulent, thieving deeds, |
musāvādena cūbhayaṃ; |
and also by lies, |
Kusalo hoti saṅghātuṃ, |
the young man’s expert at piling up money, |
kāmabhogī ca mānavo; |
and enjoying sensual pleasures. |
Ito so nirayaṃ gantvā, |
From here they go to hell— |
ekacakkhu vihaññati. |
the one-eyed person is ruined. |
Dvicakkhu pana akkhāto, |
And now the two-eyed is explained, |
seṭṭho purisapuggalo; |
the best individual. |
Dhammaladdhehi bhogehi, |
Their wealth is properly earned, |
uṭṭhānādhigataṃ dhanaṃ. |
money acquired by their own hard work. |
Dadāti seṭṭhasaṅkappo, |
They give with best of intentions, |
abyaggamānaso naro; |
that peaceful-hearted person. |
Upeti bhaddakaṃ ṭhānaṃ, |
They go to a good place, |
yattha gantvā na socati. |
where there is no sorrow. |
Andhañca ekacakkhuñca, |
The blind and the one-eyed, |
ārakā parivajjaye; |
you should avoid from afar. |
Dvicakkhuṃ pana sevetha, |
But you should keep the two-eyed close, |
seṭṭhaṃ purisapuggalan”ti. |
the best individual.” |
30. Avakujjasutta |
30. Upside-down |
“Tayome, bhikkhave, puggalā santo saṃvijjamānā lokasmiṃ. |
“These three kinds of people are found in the world. |
Katame tayo? |
What three? |
Avakujjapañño puggalo, ucchaṅgapañño puggalo, puthupañño puggalo. |
One with upside-down wisdom, one with wisdom on their lap, and one with wide wisdom. |
Katamo ca, bhikkhave, avakujjapañño puggalo? |
And who is the person with upside-down wisdom? |
Idha, bhikkhave, ekacco puggalo ārāmaṃ gantā hoti abhikkhaṇaṃ bhikkhūnaṃ santike dhammassavanāya. |
It’s someone who often goes to the monastery to hear the teaching in the presence of the monks. |
Tassa bhikkhū dhammaṃ desenti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāsenti. |
The monks teach them Dhamma that’s good in the beginning, good in the middle, and good in the end, meaningful and well-phrased. And they reveal a spiritual practice that’s entirely full and pure. |
So tasmiṃ āsane nisinno tassā kathāya neva ādiṃ manasi karoti, na majjhaṃ manasi karoti, na pariyosānaṃ manasi karoti; |
But even while sitting there, that person doesn’t pay attention to the beginning, middle, or end of the discussion. |
vuṭṭhitopi tamhā āsanā tassā kathāya neva ādiṃ manasi karoti, na majjhaṃ manasi karoti, na pariyosānaṃ manasi karoti. |
And when they get up from their seat, they don’t pay attention to the beginning, middle, or end of the discussion. |
Seyyathāpi, bhikkhave, kumbho nikujjo tatra udakaṃ āsittaṃ vivaṭṭati, no saṇṭhāti; |
It’s like when a pot full of water is tipped over, so the water drains out and doesn’t stay. |
evamevaṃ kho, bhikkhave, idhekacco puggalo ārāmaṃ gantā hoti abhikkhaṇaṃ bhikkhūnaṃ santike dhammassavanāya. |
In the same way, someone often goes to the monastery to hear the teaching in the presence of the monks. |
Tassa bhikkhū dhammaṃ desenti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāsenti. |
The monks teach them Dhamma that’s good in the beginning, good in the middle, and good in the end, meaningful and well-phrased. And they reveal a spiritual practice that’s entirely full and pure. |
So tasmiṃ āsane nisinno tassā kathāya neva ādiṃ manasi karoti, na majjhaṃ manasi karoti, na pariyosānaṃ manasi karoti; |
But even while sitting there, that person doesn’t pay attention to the discussion in the beginning, middle, or end. |
vuṭṭhitopi tamhā āsanā tassā kathāya neva ādiṃ manasi karoti, na majjhaṃ manasi karoti, na pariyosānaṃ manasi karoti. |
And when they get up from their seat, they don’t pay attention to the beginning, middle, or end of the discussion. |
Ayaṃ vuccati, bhikkhave, avakujjapañño puggalo. |
This is called a person with upside-down wisdom. |
Katamo ca, bhikkhave, ucchaṅgapañño puggalo? |
And who is the person with wisdom on their lap? |
Idha, bhikkhave, ekacco puggalo ārāmaṃ gantā hoti abhikkhaṇaṃ bhikkhūnaṃ santike dhammassavanāya. |
It’s someone who often goes to the monastery to hear the teaching in the presence of the monks. |
Tassa bhikkhū dhammaṃ desenti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāsenti. |
The monks teach them Dhamma that’s good in the beginning, good in the middle, and good in the end, meaningful and well-phrased. And they reveal a spiritual practice that’s entirely full and pure. |
So tasmiṃ āsane nisinno tassā kathāya ādimpi manasi karoti, majjhampi manasi karoti, pariyosānampi manasi karoti; |
While sitting there, that person pays attention to the discussion in the beginning, middle, and end. |
vuṭṭhito ca kho tamhā āsanā tassā kathāya neva ādiṃ manasi karoti, na majjhaṃ manasi karoti, na pariyosānaṃ manasi karoti. |
But when they get up from their seat, they don’t pay attention to the beginning, middle, or end of the discussion. |
Seyyathāpi, bhikkhave, purisassa ucchaṅge nānākhajjakāni ākiṇṇāni— |
It’s like a person who has different kinds of food crammed on their lap— |
tilā taṇḍulā modakā badarā. |
such as sesame, rice, sweets, or jujube— |
So tamhā āsanā vuṭṭhahanto satisammosā pakireyya. |
so that if they get up from the seat without remembering, everything gets scattered. |
Evamevaṃ kho, bhikkhave, idhekacco puggalo ārāmaṃ gantā hoti abhikkhaṇaṃ bhikkhūnaṃ santike dhammassavanāya. |
In the same way, someone often goes to the monastery to hear the teaching in the presence of the monks. |
Tassa bhikkhū dhammaṃ desenti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāsenti. |
The monks teach them Dhamma that’s good in the beginning, good in the middle, and good in the end, meaningful and well-phrased. And they reveal a spiritual practice that’s entirely full and pure. |
So tasmiṃ āsane nisinno tassā kathāya ādimpi manasi karoti, majjhampi manasi karoti, pariyosānampi manasi karoti; |
While sitting there, that person pays attention to the discussion in the beginning, middle, and end. |
vuṭṭhito ca kho tamhā āsanā tassā kathāya neva ādiṃ manasi karoti, na majjhaṃ manasi karoti, na pariyosānaṃ manasi karoti. |
But when they get up from their seat, they don’t pay attention to the beginning, middle, or end of the discussion. |
Ayaṃ vuccati, bhikkhave, ucchaṅgapañño puggalo. |
This is called a person with wisdom on their lap. |
Katamo ca, bhikkhave, puthupañño puggalo? |
And who is the person with wide wisdom? |
Idha, bhikkhave, ekacco puggalo ārāmaṃ gantā hoti abhikkhaṇaṃ bhikkhūnaṃ santike dhammassavanāya. |
It’s someone who often goes to the monastery to hear the teaching in the presence of the monks. |
Tassa bhikkhū dhammaṃ desenti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāsenti. |
The monks teach them Dhamma that’s good in the beginning, good in the middle, and good in the end, meaningful and well-phrased. And they reveal a spiritual practice that’s entirely full and pure. |
So tasmiṃ āsane nisinno tassā kathāya ādimpi manasi karoti, majjhampi manasi karoti, pariyosānampi manasi karoti; |
While sitting there, that person pays attention to the discussion in the beginning, middle, and end. |
vuṭṭhitopi tamhā āsanā tassā kathāya ādimpi manasi karoti, majjhampi manasi karoti, pariyosānampi manasi karoti. |
And when they get up from their seat, they continue to pay attention to the beginning, middle, or end of the discussion. |
Seyyathāpi, bhikkhave, kumbho ukkujjo tatra udakaṃ āsittaṃ saṇṭhāti no vivaṭṭati; |
It’s like when a pot full of water is set straight, so the water stays and doesn’t drain out. |
evamevaṃ kho, bhikkhave, idhekacco puggalo ārāmaṃ gantā hoti abhikkhaṇaṃ bhikkhūnaṃ santike dhammassavanāya. |
In the same way, someone often goes to the monastery to hear the teaching in the presence of the monks. |
Tassa bhikkhū dhammaṃ desenti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāsenti. |
The monks teach them Dhamma that’s good in the beginning, good in the middle, and good in the end, meaningful and well-phrased. And they reveal a spiritual practice that’s entirely full and pure. |
So tasmiṃ āsane nisinno tassā kathāya ādimpi manasi karoti, majjhampi manasi karoti, pariyosānampi manasi karoti; |
While sitting there, that person pays attention to the discussion in the beginning, middle, and end. |
vuṭṭhitopi tamhā āsanā tassā kathāya ādimpi manasi karoti, majjhampi manasi karoti, pariyosānampi manasi karoti. |
And when they get up from their seat, they continue to pay attention to the beginning, middle, or end of the discussion. |
Ayaṃ vuccati, bhikkhave, puthupañño puggalo. |
This is called a person with wide wisdom. |
Ime kho, bhikkhave, tayo puggalā santo saṃvijjamānā lokasminti. |
These are the three kinds of people found in the world.” |
Avakujjapañño puriso, |
“A person with upside-down wisdom, |
dummedho avicakkhaṇo; |
is stupid and inattentive, |
Abhikkhaṇampi ce hoti, |
and even if they frequently |
gantā bhikkhūna santike. |
go into the monks’ presence, |
Ādiṃ kathāya majjhañca, |
such a person can’t learn |
pariyosānañca tādiso; |
the beginning, middle, or end |
Uggahetuṃ na sakkoti, |
of the discussion, |
paññā hissa na vijjati. |
for their wisdom is lacking. |
Ucchaṅgapañño puriso, |
The person with wisdom on their lap |
seyyo etena vuccati; |
is better than that, it’s said; |
Abhikkhaṇampi ce hoti, |
but even if they frequently |
gantā bhikkhūna santike. |
go into the monks’ presence, |
Ādiṃ kathāya majjhañca, |
such a person can only learn |
pariyosānañca tādiso; |
the beginning, middle, and end |
Nisinno āsane tasmiṃ, |
while sitting in that place; |
uggahetvāna byañjanaṃ; |
but they’ve only grasped the phrasing, |
Vuṭṭhito nappajānāti, |
for when they get up their understanding fails, |
gahitaṃ hissa mussati. |
and what they’ve learned is lost. |
Puthupañño ca puriso, |
The person with wide wisdom |
seyyo etehi vuccati; |
is better than that, it’s said; |
Abhikkhaṇampi ce hoti, |
and if they, too, frequently |
gantā bhikkhūna santike. |
go into the monks’ presence, |
Ādiṃ kathāya majjhañca, |
such a person can learn |
pariyosānañca tādiso; |
the beginning, middle, and end |
Nisinno āsane tasmiṃ, |
while sitting in that place; |
uggahetvāna byañjanaṃ. |
and when they’ve grasped the phrasing, |
Dhāreti seṭṭhasaṅkappo, |
they remember it with the best of intentions. |
Abyaggamānaso naro; |
That peaceful-hearted person, |
Dhammānudhammappaṭipanno, |
practicing in line with the teaching, |
Dukkhassantakaro siyā”ti. |
would make an end of suffering.” |